Lazulita
La lazulita ye un mineral del grupu de los Fosfatos. Ye un hidroxi-fosfatu d'aluminiu, fierro y magnesiu. Los sos cristales son de color azul intensu, carauterística pola que se-y punxo nome, que deriva de la pallabra árabe lazurd que significa "cielu" y del griegu litos, piedra.[6] Sinónimos pocu usaos d'esti mineral son: berkeyita, gersbyita, mollita, tetragophosphita y voraulita.
Lazulita | |
|---|---|
 | |
| Xeneral | |
| Categoría |
especie mineral (es)  [1] |
| Subclase de |
lazulite mineral group (en) [2] |
| Fórmula química | MgAl₂(PO₄)₂(OH)₂ |
| Epónimu | cielu (árabe) |
| Propiedaes físiques | |
| Color de la raya | blancu |
| Clasificación | |
| Nickel-Strunz 8ª ed. | VII/B.08 |
| Nickel-Strunz 9ª ed. | 8.BB.40[4] |
| Nickel-Strunz 10ª ed. | 8.BB.40[5] |
 | |
,_Kanada.jpg)
Malo de reconocer pol vezu de los cristales claramente bipiramidales. Nun tien de confundise col silicatu lazurita nin col carbonatu azurita, colos que nun tien nada que ver, namái se paecen los nomes etimológicamente porque los trés tienen color azul.
Afayada en 1795 en Salzburgu (Austria).
La lazulita ye una serie de solución sólida, nun estremu taría la "lazulita pura" rica en magnesiu ente que nel otru estremu taría la escorzalita rica en fierro.
Ambiente de formación editar
Apaez en roques metamórfiques de tipo cuarcita, onde puede apaecer acomuñáu a minerales como sillimanita, cuarzu, pirofilita, moscovita, cianita, grupu de los granates, dumortierita o corindón.
Tamién puede atopase en roques ígnees: nos cantos de complexos de granitu y pegmatitas según en filones de cuarzu, onde apaez acomuñada a otros minerales como rutilo y andalucita.
Pola so durez ye tamién común atopala en depósitos aluviales.
Llocalización y estracción editar
Atopáronse cristales d'hasta 5 cm de llongura en Georgia (Estaos Xuníos d'América), Suiza, Suecia y Austria. La variedá escorzalita ye bien abondosa en pegmatitas de Brasil.
Usóse como piedra preciosa ornamental, anque d'escasu valor.
Referencies editar
- ↑ Afirmao en: The IMA List of Minerals (November 2018). Autor: International Mineralogical Association - Commission on new minerals, nomenclature and classification. Data d'espublización: payares 2018.
- ↑ Afirmao en: Fleischer’s Glossary of Mineral Species 2014. Autor: Malcolm E. Back. Editorial: The Mineralogical Record. Data d'espublización: 2014.
- ↑ URL de la referencia: http://www.mindat.org/min-2356.html.
- ↑ Afirmao en: mineralienatlas.de. Llingua de la obra o nome: inglés.
- ↑ Afirmao en: MinDat. Llingua de la obra o nome: inglés.
- ↑ María Moliner, "Diccionario de uso del español".
