Lenin yera un fungu

Lenin yera un fungu (rusu: Ленин — гриб: ) foi una fula televisada altamente influyente fecha pol músicu y reporteru soviéticu Serguéi Kuriojin. La so primer y única emisión foi'l 17 de mayu de 1991 na canal Televisión de San Petersburgu.

Tomó la forma d'una entrevista nel programa televisivu Piatoe Koleso (La quinta rueda). Na entrevista, Kuriojin personificaba a un historiador que narró los sos afayos sobro que Vladimir Lenin consumió cantidaes considerables de fungos allucinadores y finalmente convirtióse nun fungu. Kuriojin llegó a la so conclusión al traviés d'una llarga serie d'engaños lóxicos y apellaciones a l'autoridá de delles fontes (como Carlos Castaneda, l'Institutu de Teunoloxía de Massachusetts, y Konstantín Tsiolkovski), creando la ilusión d'una cadena lóxica razonada y almisible.

El momentu en que se realizó l'engañu xugó un papel importante nel so ésitu, yá que asocedió mientres el periodu de Glasnost, cuando'l refluxu de la censura na Unión Soviética condució a munches revelaciones sobro la historia del país, de cutiu en forma sensacionalista. Amás, la televisión soviética hasta esi momentu fuera considerada pola so audiencia como conservadora n'estilu y conteníu. Como resultancia, un gran númberu de ciudadanos soviéticos (una estimación envalora'l númberu total de telespectadores en 11,250,000)^{[ensin referencies]} tomaron la "entrevista" ce por be, a pesar de les absurdes afirmaciones presentaes.

Sholojov dixo que quiciabes el resultáu más notable del espectáculu foi una apellación por un grupu de miembros del partíu al Comité Rexonal de Leningráu del CPSU pa esclariar la veracidá de la declaración Kuriojin. Según Sholojov, en respuesta a la solicitú, unu de los principales funcionarios rexonales declaró que Lenin nun pudo ser un fungu porque un mamíferu nun puede ser una planta. Siendo que la taxonomía moderna clasifica los fungos como fungi, un reinu separáu de les plantes.

L'incidente foi un momentu decisivu na historia cultural soviética y rusa y de cutiu foi utilizáu como prueba de la credulidá de les mases.

Bibliografía

• Mishenin (2008). «ЦЕННЫЕ БУМАГИ. ШОЛОХОВ - КЛАССИК РУССКОГО ТЕЛЕВИДЕНИЯ» (rusu).

Enllaces esternos

• Esta obra remanez de la traducción de Lenin was a mushroom de Wikipedia - inglés, concretamente d'esta versión del 24 de marzu de 2020, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Parte 1, Parte 2 d'una versión curtia y sotitulada del vidéu.
• Trescripción parcial (en rusu)
• Programa completu (en rusu)

• Datos: Q6522581