Libération
Libération (conocíu popularmente como Libé) ye un diariu de París fundáu en 1973 pol filósofu Jean-Paul Sartre y los periodistes Pierre Victor (conocíu col alcuñu de Benny Lévy) y Serge July.
| Libération | |
|---|---|
 | |
 | |
| Datos | |
| Tipu | diariu |
| Fundación | 18 d'abril de 1973 |
| Intervalu | 1 día |
| Idioma | francés |
| Estáu |
.svg){kind=small} Francia |
| Sede | París |
| Formatu |
compacto (es)  |
| Fundador | Jean-Paul Sartre, Serge July, Philippe Gavi y Bernard Lallement |
| Propietariu |
Bruno Ledoux y SFR Presse (en) |
| Posición política | socialdemocracia |
| Páxina web | liberation.fr y liberation.fr |
 | |
El diario xurdió embaxo l'influxu del mayu francés de 1968 y supunxo un finxu nos medios de comunicación europeos pola so concepción empresarial. Con una llinia editorial d'izquierdes, magar que non averada a partíu nengún, afitó una estructura ensin xerarquíes llaborales, col mesmu salariu pa tolos trabayadores y ensin publicidá nes sos páxines. Darréu que les sos principales fontes de financiación foron nesa época les aportaciones privaes al través de bonos d'aida, y la propia venta del diariu.
El primer númberu asoleyóse el 3 de febreru de 1973. Un añu depués, Sartre dexó la redaición, al tiempu que'l modelu empresarial inicial diba camudando pasín ente pasu énte les dificultaes económiques de la empresa.
Les rellaciones llaborales non xerárquizaes caltuviéronse hasta 1980, añu nel que les dificultaes del diariu lleváronlu a despaecer de los puntos de venta pente trés meses. Libé reapareció entós con un formatu nuevu y col nome del so primer direutor embaxo la mancheta: Serge July.
Poco depués, foron apaeciendo les primeres inserciones publicitaries y los primeros socios capitalistes ayenos al trabayu de redaición, magar que'l control empresarial calteníase entá polos propios trabayadores. La llinia radical inicial foi suavizando adulces, sicasí, nun perdió la so condición de diariu d'esquierda de referencia n'Europa.
La trayeutoria empresarial de Libération foi acompañada d'una progresiva perda de llectores hasta l'añu 2006, nel que l'empresariu Édouard de Rothschild convirtióse nel máximu accionista énte'l refugu de los redactores. Sicasí, la entrada de capital privau, y la conversión del diariu nuna empresa convencional, presentáronse como l'unicu mou de salvar al periódicu, enxertu nuna fonda crisis económica. Poro, en xineru de 2007, tres dellos cambeos na direición del diariu, Rothschild algama l'oxetivu de ampliar l'accionariáu de la empresa y algamar el capital suficiente pa afrontar una furacu económicu estimáu en 15 millones de euros. D'esa mena, los redactores dexaron definitivamente de caltener el control so'l devenir de la empresa.
Dende xunu de 2006, el puestu de direutor de Serge July ocupólu Antoine de Gaudemar.
Referencies
editarEnllaces esternos
editar
Datos: Q13717
Multimedia: Libération
