Llinia C-1 (Cercaníes Asturies)

La llinia C-1 ye una llinia de cercaníes del nucleu de cercaníes Asturies, que los sos servicios son operaos por Renfe Operadora sol nome de Renfe Cercaníes. Coneuta la ciudá más poblada d'Asturies, Xixón, cola capital autonómica, Uviéu, y colos conceyos de Llanera, La Ribera, Mieres y Ḷḷena.

Llinia C-1 (Cercaníes Asturies)
serviciu de tren
Llocalización
País	España
Autonomía	Principáu d'Asturies
Historia y usu
Dueñu	Administrador de Infraestructuras Ferroviarias
Xestión	Renfe Operadora
Vía de tren
Anchu de vía	anchu ibéricu

Infraestructura

Circula pola sección entendida ente Xixón y Ponte de los Fierros de la llinia Llión-Xixón, parte de la llinia Venta de Baño-Xixón de la Rede Ferroviaria d'Interés Xeneral titularidá d'Adif, que cunta con vía d'anchu ibéricu y ta electrificada a 3000 voltios CC.

N'actualidá

En díes de diariu, cuenta con una frecuencia de camín de 30 minutos nel tramu ente Xixón, Uviéu y La Pola. El serviciu de trenes que lleguen hasta Ponte de los Fierros ye muncho más partíu con 9 trenes diarios, amenorgándose a 7 les fines de selmana y festivos. La infraestructura ye compartida con trenes Alvia (llarga distancia), trenes rexonales (media distancia) y trenes de mercancíes. Nes franxes horaries de mayor intensidá empréstense servicios semidirectos denominaos CIVIS ente les estaciones de La Pola, Uxo, Mieres-Ponte, Llamaquique y Uviéu; según entre Llamaquique, Uviéu, Calzada d'Asturies y Xixón qu'amenorguen sensiblemente los tiempos de viaxe.

Feve tamién opera ente Uviéu y Xixón, pero pasando per Noreña, El Berrón, Parque Principáu y termina en Trubia. Esti serviciu, una vegada per hora, realiza escases paraes y tarda 35 minutos.

Enllaces esternos

• Renfe Cercanías Asturias (en castellanu)
• Renfe Cercanías (en castellanu)

• Datos: Q5987183
• Multimedia: C-1 line (Cercanías Asturias)