Ludivina Acero Álvarez
Ludivina Acero Álvarez (7 de xunetu de 1930, Viḷḷablinu – 16 de xineru de 2024, Tortosa), conocida como Luz, foi una llocutora de radio española que trabayó la mayor parte de la so vida en Ràdio Tortosa.
Ludivina Acero Álvarez | |
|---|---|
| Vida | |
| Nacimientu | Viḷḷablinu, 7 de xunetu de 1930 |
| Nacionalidá |
 España |
| Muerte | Tortosa, 16 de xineru de 2024 (93 años) |
| Estudios | |
| Llingües falaes | castellanu |
| Oficiu | llocutora |
 | |
Biografía
editarXusto antes d'españar la guerra civil, en 1936, a los seis años, treslladóse con tola so familia al pueblu d'El Perelló, onde tenía destín el so padre, Hermenegildo Acero Abad, que yera Guardia Civil. La so madre, Pilar Álvarez Álvarez, tuvo 7 fíos, de los que sobrevivieron 5. Luz yera la mayor de toos y la única fía, yá que tolos sos hermanos yeren homes: Carlos, Manolo, Antonio y Gildo. Llegó a Tortosa a los 12 años. La familia Acero Álvarez metióse a vivir al barriu de Garrofer. En Tortosa estudió primaria nel colexu de la Mercè del barriu del Rastre. A los 14-15 años entró a estudiar na Academia Cots (casa Brunet). Per 3 años cursó taquigrafía, mecanografía y contabilidá y darréu sacóse'l títulu de texedora y metióse a trabayar na Fábrica de Sacos, onde se texía pa la Yutera del Ebro, fábrica de los filos pa los sacos, de Julian Mangrané Ejerique. Al cabu d'unos meses, pidiéron-y qu'entrara tamién como alministrativa por cuenta de los sos estudios y ye cuando entró en contactu con Lluís Mestre Rexach.[1]
Lluís Mestre Rexach, xerente de Yutera, conoz a Luz Acero cuando tenía 18 años y establecen amistá. Él pide-y que vaya en ratos llibres a facer de secretaria na nueva R[adio Tortosa. A lo último, el volume de trabayu que representaba la nueva emisora, fai que Luz dexe la Yutera y la fábrica de sacos de Julián Mangrané y pase a dedicase dafechu a Ràdio Tortosa, en principiu d'alministrativa. A los pocos díes, una afonía de la llocutora principal Emèlia Miravalls Dolç, fixo que Lluís, desesperáu por salir a antena preguntára-y a Luz si podía facer el favor de salir de llocutora.[2]
Recuérdasela especialmente pol so programa "Discos dedicados", qu'aportó a unu de los de máxima audiencia de la contorna. Tamién presentó los espacios informativos de la radio, xunto con Josep Àngel Òdena Fabregat (1934-2017).
El 26 de marzu de 2021, a los 90 años, el colexu de periodistes de L'Ebre fízo-y un reconocimientu a los 43 años de radio ininterrumpíos.
Referencies
editar- ↑ Menasanch I Martí, Núria. «Luz Acero, la veu de Ràdio Tortosa durant 43 anys, rebrà als seus 90 anys un reconeixement molt especial.».
- ↑ FS/JR. .
Enllaces esternos
editar
Datos: Q103660801
