Luis Alfonso de Carvallo

historiador asturianu (1571–1635)

Luis Alfonso de Carvallo (1571 (greg.)Cangas del Narcea – 2 de febreru de 1635Villagarcía de Campos) foi un historiador y relixosu asturianu.

Luis Alfonso de Carvallo
Vida
Nacimientu Cangas del Narcea1571 (greg.)[1]
Nacionalidá España
Muerte Villagarcía de Campos2 de febreru de 1635[2] (63/64 años)
Estudios
Llingües falaes castellanu
Oficiu historiador
Emplegadores Universidá d'Uviéu
Creencies
Relixón Ilesia Católica
Orde relixosa Orde de San Benitu
Compañía de Xesús
Cambiar los datos en Wikidata
Portada orixinal de la edición de 1695 de la obra «Historia de les Antigüedaes y coses memorables del Principáu d'Asturies».

Naz en 1571 na aldega de Entrambasaguas, nel conceyu asturianu de Cangas del Narcea. Ingresa nos benedictinos del cercanu Monesteriu de Courias.

En 1601 treslladóse a Villarrodrigo (Llión) y más tarde torna a Asturies pero esta vegada quedó n'Uviéu onde ye nomáu rector del Colexu de San Gregorio fundada por Fernando Valdés Salas.

En 1608 al fundase la Universidá d'Uviéu sume'l colexu de San Gregorio y empieza a dar clases na universidá. N'anguaño encárgase-y la xestión del archivu de la Catedral d'Uviéu y ye el nomáu canónigu de la mesma.

A la fin de la so vida (1616) abandona los benedictinos ingresando na Compañía de Xesús. Ye unviáu al Monesteriu de Monforte de Lemos (Llugo), Monterrey (Ourense)(1618 - 1619), Logroño (1619 - 1622), Segovia (1622-1628) y finalmente a Villagarcía de Campos (Valladolid), onde finó'l 2 de febreru de 1635.

Obres editar

Los sos estudios tan basaos nel estudiu de documentos históricos propiedá de la ilesia.

  • El Cisne de Apolo, de les excelencies y dignidá y tolo que al arte poético y versificatoria pertenez, 1602.
  • Antigüedaes y coses memorables del Principáu d'Asturies, 1695. Tamién conocida como Historia de les antigüedaes d'Asturies
  • Antigüedaes de la Santa Ilesia d'Uviéu y Cristiandá d'Asturies (Manuscritu)
  • Discursu sobro la Merindad d'Asturies (Manuscritu)
  • Cases y xenealoxíes d'Asturies (Manuscritu)
  • Vida de Diego Meléndez Valdés, llamáu'l Valiente (Manuscritu)
  • Xenealoxía del Llinaxe de la casa de Valdés

Referencies editar

  1. «rexistru d'autoridaes BNE». Consultáu'l 29 mayu 2020.
  2. Afirmao en: SNAC. Identificador SNAC Ark: w6q54ddx. Apaez como: Luis Alfonso de Carvallo. Data de consulta: 9 ochobre 2017. Llingua de la obra o nome: inglés.

Enllaces esternos editar