Mónica Laguna
Mónica Agulló Laguna (27 d'agostu de 1964, Madrid) ye una direutora y guionista de cine española.
Mónica Laguna | |
|---|---|
| Vida | |
| Nacimientu | Madrid, 27 d'agostu de 1964 (60 años) |
| Nacionalidá |
 España |
| Estudios | |
| Estudios | Universidá Complutense de Madrid |
| Llingües falaes | castellanu |
| Oficiu | direutora de cine, guionista |
| IMDb | nm0481469 |
 | |
Trayeutoria
editarAgulló (conocida como Mónica Laguna) llicencióse en Ciencies de la Información en 1988, caña Imaxe y Soníu, na Universidá Complutense de Madrid. Mientres más de diez años, ente 1984 y 1995, trabayó como integrante de los equipos de Cámara y Direición de dellos llargumetraxes, con direutores como Julio Medem, Jaime Chávarri, Antonio Mercero o Gerardo Herrero.[1]
Empezó a ser reconocida como direutora poles sos curtiumetraxes y en 1989 creó la so productora Mac Guffilm. Dirixió'l curtiu Sabor a rosas (1989), al que siguió'l curtiumetraxe Quiero que sea él (1991), de que'l so guión ye tamién autora xunto a El Gran Wyoming y David Trueba.
En 1996 dirixió'l so primera llargumetraxe en clave de comedia Tengo una casa, cola productora El Deseo Films. El títulu de la película vien del novenu álbum de la banda española de rock Los Enemigos llamáu tamién Tengo una casa y que foi, precisamente, la banda sonora de la película.
La productora Lola Films produció'l so segundu llargu, Juego de luna, que s'esibió en 2001 nel Festival de Cine de Málaga onde ganó'l premiu a la meyor direición. Nesti casu, encetó'l drama con un argumentu que xira en redol a una profesional del póquer.
En 2017 ta escribiendo'l so tercer llargumetraxe, Otra manera de vivir.[2]
Filmografía
editar- 2001, Productora: Lola Films, Títulu Juego de luna
- 1996, Productora: El Deseo Films, Títulu Tengo una casa
- 1991, Productora: Mac Guffilm Títulu Quiero que sea él curtiumetraxe.[3]
Premios y reconocencies
editar- Premiu Meyor Direición, Festival de Málaga, 2001 por "Juego de luna"
- Nomada a Cristal Globe nel Festival Internacional de Cine de Karlovy Vary por "Juego de luna" en 2001
- Nomada nel Festival de Cine de Bogotá, en 1996 por "Tengo una casa".[3]
Referencies
editar- ↑ (en castellanu) Historia Nuevos Realizadores. Historia Nuevos Realizadores. http://www.historianuevosrealizadores.es/historia/monica-llaguna/. Consultáu'l 28 de xineru de 2018.
- ↑ «Mónica Laguna | 25ᵘ aniversariu PNR» (castellanu). Consultáu'l 28 de xineru de 2018.
- ↑ 3,0 3,1 «Mónica Laguna». Consultáu'l 28 de xineru de 2018.
Enllaces esternos
editar- Mónica Laguna na Internet Movie Database (n'inglés)
Datos: Q47509337
