Malaita Sur
La islla de Malaita Sur, tamién conocida como Pequeña Malaita o Maramasike, ye una pequeña islla nel estremu sur de la islla de Malaita, de la que ta dixebrada pel pequeñu pasaxe de Maramasike.
| Malaita Sur | |
|---|---|
| Situación | |
 | |
| Tipu | islla |
| Parte de | Islles Salomón |
| Asitiáu en | Océanu Pacíficu |
| Coordenaes | 9°32′46″S 161°28′01″E / 9.546°S 161.467°E |
  Malaita Sur Malaita Sur (Islles Salomón) | |
| Datos | |
| Superficie | 480,5 km² |
| Población | 12 967 |
| Llonxitú | 54 km |
 | |
La islla ta na provincia de Malaita, na parte oriental de les Islles Salomón.[1][2][3]
Mientres la dómina colonial, el gobiernu y los misioneros dividieron la islla en trés distritos: Asimae, Asimeuri y Raroisu. Sicasí, los nativos de la islla prefieren identificase tan solo colos sos clanes o families, los sos llazos d'unión son bien fuertes. Dichos clanes gobiernen la islla estremada en rexones tradicionalmente demarcaes llamaes iolas.
Malaita ye la provincia más poblada de les islles Salomón.
Los habitantes de la islla falen un dialectu llamáu llingua sa'a. Esta llingua tien variaciones de pronunciación, gramática y vocabulariu d'una iola a otra. La sociedá ye patriarcal, na que los homes son les cabeza de familia, clan o tribu. Les muyeres xueguen un papel menos importante nesta sociedá, anque son igualmente respetaes.
Nesta islla inda practícase la pesca de delfines.
Historia recién
editarNel so momentu, la tensión ente les autoridaes de Malaita y les autoridaes nacionales aumentó cuando Sogavare rompió relaciones diplomátiques con Taipéi en 2019, pa estableceles con la China comunista.
Debíu al conflictu internu entre Ḥoniara y Malaita, Australia caltuvo una misión de paz nel archipiélagu ente 2003 y 2017.
En setiembre de 2020 el primer ministru llocal Daniel Suidani propunxera un referéndum pa dixebrase del restu del país. Suidani afirmó que'l gobiernu central taba desdexando los intereses y necesidaes de la islla, que tien estreches rellaciones con Taiwán.[4]
Les tensiones ente'l gobiernu provincial de Malaita y el gobiernu nacional con sede en Ḥoniara fueron altes a finales de la década de 2010, en payares de 2021 produciéronse fuertes protestes en Ḥoniara que provocaron el fallecimientu de trés persones.
Bibliografía
editarKahn B., In:Green, A., P. Lokani, W. Atu, P. Ramohia, P. Thomas and J. Almany (eds.) (2006) Oceanic Cetaceans and Associated Habitats.
Referencies
editar- ↑ «Isla de Malaita». Solomon Islands Historical Encyclopaedia 1893-1978. Consultáu'l 2014., (n'inglés)
- ↑ Malaita Project, (castellán)
- ↑ Disturbios nes islles Salomón, (castellán)
- ↑ Diario las Repúblicas, se anuncia referendum de independencia en Malaita (Islas Salomón), setiembre de 2020 (castellán)
Enllaces esternos
editar
Wikimedia Commons acueye conteníu multimedia sobre Malaita Sur.
Datos: Q1572203- Multimedia: Maramasike Island
