Mamadou Tandja
Mamadou Tandja (20 de xunetu de 1938, Mainé Soroa (es) 
– 24 de payares de 2020, Niaméi) foi presidente de Níxer dende'l 24 de payares de 1999 hasta'l 18 de febreru de 2010, cuando foi derrocáu y deteníu por militares, metanes un discutiniu pola estensión del so mandatu. Foi coles mesmes coronel del exércitu del Níxer.
Mamadou Tandja | |||||
|---|---|---|---|---|---|
 | |||||
22 avientu 1999 - 18 febreru 2010 ← Daouda Malam Wanké - Salou Djibo →
| |||||
| Vida | |||||
| Nacimientu |
Mainé Soroa (es) , 20 de xunetu de 1938[1] | ||||
| Nacionalidá |
 Níxer | ||||
| Muerte | Niaméi, 24 de payares de 2020[2] (82 años) | ||||
| Estudios | |||||
| Llingües falaes |
Idioma fula francés | ||||
| Oficiu | políticu, militar | ||||
| Creencies | |||||
| Partíu políticu |
Movimiento Nacional para la Sociedad del Desarrollo (es) | ||||
 | |||||
Biografía
editarMinistru d'Interior mientres la presidencia del xeneral Ali Seibou, Tandja dirixe la represión de la revuelta tuareg nel Ténéré en 1990. Siquier doscientos tuaregs son arrestaos, torturaos y executaos ensin xuiciu tres l'ataque de la xendarmería de Tchin-Tabaraden na rexón de Tahoua el 7 de mayu de 1990. Los tuaregs reclamen un tratamientu igualitariu na alministración.
La conferencia nacional nixerina de 1991 aprueba la celebración d'eleiciones multi-partitas: llexislatives el 14 de febreru de 1993 y presidenciales el 27 de febreru y 30 de marzu. Na primer vuelta de les eleiciones presidenciales, Tandja, candidatu del antiguu partíu únicu, el Movimientu Nacional pola Sociedá en Desenvolvimientu o MNSD llogra un 34,22% de los votos per delantre de Mahamane Ousmane, candidatu a la cabeza d'una alianza de partíos d'oposición que consigue un 26,59%. Na segunda vuelta, Ousmane gana la totalidá de los votos y les eleiciones con una participación bien amenorgada (35%).
El 27 de xineru de 1996, el xeneral Ibrahim Baré Maïnassara derroca al presidente Ousmane y entama eleiciones presidenciales en xunetu de 1996. Tandja preséntase pero solo llogra la tercer plaza con 15,65% na primer vuelta y nun puede participar na segunda. El presidente saliente, xeneral Ibrahim Baré Maïnassara resulta vencedor nel escrutiniu contra Mahamane Ousmane.
Tres l'asesinatu del xeneral Baré n'abril de 1999 y tomar del poder per parte del comandante Daouda Mallam Wanké, unes nueves eleiciones presidenciales ensin fraude notable tuvieron llugar en payares de 1999. Tandja recibió'l 32% de los votos na primer vuelta y venció al antiguu primer ministru Mahamadou Issoufou na segunda vuelta con un 60% de los votos. Tandja empezó'l so mandatu'l 22 d'avientu de 1999.
Coles mesmes que les eleiciones presidenciales tuvieron llugar les llexislatives, nes cualos resultó victoriosu'l MNSD de Mamadou Tandja. El nuevu presidente noma primer ministru a Hama Amadou.
Tandja dio delles prioridaes al so mandatu: de primeres restablecer los contactos colos arrendadores de los fondos internacionales y ufierta-yos garantíes d'estabilidá y de lliberalismu económicu; prioridá crucial una y bones el Níxer, país que s'atopa ente los más probes del mundu, depende en gran proporción de les ayudes internacionales. Pero los retayos de Tandja nos presupuestos d'educación y sanidá, l'amenorgamientu de los efectivos de la función pública nixerina, el retrasu del cargu de funcionarios y militares hasta los 18 meses causen un descontentu xeneralizáu ente la población que se tresforma en manifestación d'estudiantes nel campus de la Universidá de Niaméi en 2001 y nun amotinamientu d'unidaes de militares en 2002. Por mieu a que les manifestaciones estiéndanse, Tandja apodera l'amotinamientu y controla la prensa por que nun fale d'ello.
Nes eleiciones presidenciales de payares de 2004, Tandja vuelve presentase. Na primer vuelta Tandja llogra una amplia ventaya sobre otros cinco candidatos (40,7% de los votos) y na segunda vuelta vence a Mahamadou Issoufou con un 65,5% de los votos llogrando asina un segundu mandatu. El candidatu Issoufou denuncia fraudes eleutorales nes rexones desérticas del norte, pero ye pocu probable que l'amplitú de los fraudes sía la responsable de camudar la resultancia de les eleiciones.
El 19 de xineru de 2005, mientres la 28ª cume en Accra (Ghana), Mamadou Tandja foi escoyíu presidente de la Comunidá Económica d'Estaos del Oeste d'África, asocediendo al ghanianu John Kufuor.
Pa les eleiciones de payares de 2009 Tandjo dixo que'l pueblu quería que s'estendiera'l periodu y siguir nel poder. Esi mesmu añu, en 2009 suspendió la constitución y convocó a una reforma que-y dexara perpetuar se nel poder, aprobada pola asamblea nacional.
El 18 de febreru de 2010 un golpe d'estáu empobináu por Salou Djibo entró a la casa presidencial y arrestó al presidente y al so gabinete faciéndose col poder. Los militares alzaos señalaron que quería faer a esti país una nación llibre y democrático, y la causa del golpe foi pola estensión del mandatu presidencial de Tandjo.
En tando n'arrestu domiciliariu nel Palaciu Presidencial dende'l so derrocamientu, el 17 de xineru de 2011 Mamadou foi encarceláu pol Conseyu Supremu Provisional nuna cárcel pela rodiada de Niaméi, díes antes de realizar eleiciones presidenciales. La Xunta Militar acúsalu d'arriquecese ilícitamente, habiendo malversado fondos públicos por importe de 98 millones d'euros.[3]
Referencies
editar- ↑ Afirmao en: Munzinger Personen. Identificador Munzinger: 00000023606. Data de consulta: 9 ochobre 2017. Apaez como: Mamadou Tandja. Llingua de la obra o nome: alemán.
- ↑ URL de la referencia: https://news.trust.org/item/20201124200328-xkyze.
- ↑ Jeune Afrique (ed.): (30 d'avientu de 2010). Consultáu'l 4 de marzu de 2011.
Enllaces esternos
editar- Biografía por CIDOB (n'español)
| Predecesor: Daouda Malam Wanké |
Presidente de Níxer 1999 - 2010 |
Socesor: Conseyu Supremu pa la Restauración de la Democracia (Xunta militar) |
Datos: Q220227
Multimedia: Mamadou Tandja
