Manuel Antonio Bonilla Nava

Manuel Antonio Bonilla Nava (15 d'ochobre de 1806 – 23 d'avientu de 1880) foi un políticu costarricanu, nacíu en Cartago, Costa Rica, el 15 d'ochobre de 1806. Los sos padres fueron Félix de Bonilla y Pacheco y Catalina de Nava López de la Corrolada, fía del Gobernador español José Joaquín de Nava y Cabezudo. Casó en San Xosé, Costa Rica, el 16 de mayu de 1830 con Jesús Carrillo y Morales, fía de Basilio Carrillo Colina y Jacinta Morales y Saravia, y sobrina de Braulio Carrillo Colina, Xefe d'Estáu de 1835 a 1837 y de 1838 a 1842.

Manuel Antonio Bonilla Nava
Vida
Nacimientu	15 d'ochobre de 1806
Nacionalidá	Costa Rica
Muerte	23 d'avientu de 1880 (74 años)
Oficiu	políticu

En 1841 foi escoyíu popularmente como Vicejefe d'Estáu y Ministru Xeneral, cargos qu'exerció hasta la cayida del gobiernu de Braulio Carrillo Colina el 12 d'abril de 1842. Tuvo encargáu interinamente de la xefatura del Estáu del 8 al 12 d'abril de 1842.

Llogró votos nes eleiciones presidenciales d'avientu de 1849 y d'abril de 1853. De 1867 a 1868 foi Segundu Designáu a la Presidencia.

Persona allegada al Presidente Tomás Guardia Gutiérrez, foi Conseyeru d'Estáu del 8 d'abril al 14 d'agostu de 1871. Foi Presidente de l'Asamblea Constituyente de 1871 y darréu foi escoyíu como Diputáu por San Xosé y Presidente del Congresu Constitucional. Foi Segundu Designáu a la Presidencia de 1876 a 1877 y Presidente del Conseyu d'Estáu del 27 de setiembre de 1876 al 24 de setiembre de 1877.

Foi un destacáu miembru de la masonería costarricense.

Ver tamién

• Vicepresidentes de Costa Rica

Enllaces esternos

• Datos: Q578287