María Paz García-Gelabert Pérez

arqueóloga española

María Paz García-Gelabert Pérez ye una historiadora y arqueóloga española, investigadora de la Historia Antigua de la Península Ibérica, especialista en iconografía relixosa en mosaicos romanos y otros soportes.

María Paz García-Gelabert Pérez
Vida
Nacimientu 11 de xineru de 1941[1] (83 años)
Nacionalidá España
Estudios
Llingües falaes castellanu
Oficiu arqueóloga
Miembru de Real Academia de la Historia
Cambiar los datos en Wikidata

Biografía editar

María Paz García-Gelabert Pérez ye historiadora y arqueóloga, trabayó como profesora del Departamentu d'Historia Antigua y la Cultura Escrita (Departament d'Història de l'Antiguitat i la Cultura Escrita) de la Facultá de Xeografía y Historia dela Universidá de Valencia, del 3 de setiembre de 1992 a 31 d'agostu de 2012. En 2013 dio un cursu d'Historia na Aula d'Humanidaes de Guadarrama. [2]

Anguaño ta nel Grupu d'Innovación de Recursos n'Historia Antigua de la Universidá de Valencia. [3]

Ente les sos numberoses publicaciones, apréciase una llarga collaboración col profesor José María Blázquez Martínez con especial dedicación a la iconografía nos mosaicos romanos y d'otres dómines anteriores.

Como arqueóloga escavó en Cástulo (Xaén), y yá en 1984 publicó xunto al Profesor Blázquez y a Fernando López Pardo un trabayu sobre la Evolución del patrón d'asentamientu en Cástulo. Darréu publicó diversos trabayos sobre esti xacimientu, anque tamién hai trabajdo n'otros xacimientos como'l de la villa romana de Catarroja, Valencia o'l pobláu celtibéricu de la Cabezuela (Zoarejas, Guadalaxara).

Tamién collaboró col profesor José Alcina Franch, del Departamentu d'Antropoloxía y Etnoloxía d'América, de la Universidá Complutense de Madrid nel analís de materiales como los realizaos nel asentamientu prehispánicu d'Atacames, Ecuador, nes escavaciones llevaes a cabu pola Misión Arqueolóxica Española n'Ecuador.

Otros de los aspeutos que trató foi la relixosidá y los ritos d'enterramientu de los pueblos celtíberos y íberu, según los elementos que se reutilicen y perviven na simboloxía funeraria de los cercos autóctonos hispanes y hispanorromanas como na escavación de la Cueva del Valle en Rasines, Cantabria o la sobrevivencia de motivos decorativos prerromanos en Riocastiello (Tinéu, Asturies).

Tesis empobinaes editar

  • Talavera Mariña, Julián (2004) Estudiu del poblamientu celtibéricu: Arévaco, Los Castillejos de Pelegrina, Sigüenza. De los oríxenes a la romanización. Tesis doctoral dirixida por María Paz García-Gelabert Pérez. Universitat de València (2004).

Referencies editar

Enllaces esternos editar

http://terraeantiqvae.com/profilesblogsel--y-n-de-la puerta-norte-del-opidum-ibero-romanos-de-c-stulo#.O42VGFwUNWE