Mariano Menéndez Valdés

políticu asturianu (1849–1891)

Mariano Menéndez Valdés (xineru de 1840L'Aldea – 8 de mayu de 1891Bataan) foi un abogáu y políticu asturianu.

Mariano Menéndez Valdés
Vida
Nacimientu L'Aldea[1]xineru de 1840[1]
Nacionalidá España
Muerte Bataan[1]8 de mayu de 1891[1] (51 años)
Oficiu políticu
Cambiar los datos en Wikidata

Biografía editar

Nun ta clara la fecha de so nacencia, Constantino Suárez da la fecha del 6 de xineru de 1840, mientres que la so partida de bautismu diz que lu bautizaron el 25 de xineru de 1840 y que naciera'l día anterior, el 24 de xineru.[2]

Estudió nel Institutu d'Uviéu y llicencióse en Derechu na Universidá d'Uviéu. Establecióse como abogáu en La Pola Llaviana enantes de ser elixíu diputáu pola provincia d'Uviéu en 1866. En 1873 treslladóse a Madrid pa exercer de delegáu de segunda clase de la policía xudicial y gubernativa. En 1874 convirtióse nel alministrador principal de Correos n'Uviéu y en 1877 promotor fiscal de Llaviana y de Navalcarnero (Madrid). En 1879 nómenlu Xefe de Negociáu na Dirección Xeneral de Prisiones. Nesa dómina collabora gran actividá lliteraria collaborando na prensa madrilana y asturiana, especialmente n'El Carbayón, anque tamién en Revista de España, La Época, La Correspondencia de España, El Globo, La Mañana, El Faro Asturiano y El Anunciador.[2]

N'abril de 1887 destínenlu pa les Filipines, daquella parte del imperiu español, onde foi gobernador de les provincies de Pangasinan, Laguna y Bataan, amás de xefe d'alministración de lo contenciosu alministrativu de les islles.

Foi ellí onde morrió'l 8 de mayu de 1891, anque esta fecha varía tamién según autores.[nota 1]

Obres editar

  • Constitución política y civil de Roma pagana, con la de las sociedades cristianas y modernas
  • La juventud liberal y la revolución del 68 ante la restauración y la monarquía de Alfonso XII
  • Los carbones asturianos: importancia y necesidad de la industria carbonera en Asturias (1877)
  • Historia crítico-filosófica de la Monarquía asturiana (1881)

Notes editar

  1. Julio Somoza y Emilio Martínez apunten l'añu 1892, mientres que Constantino Suárez señala mayu de 1897, anque ye probable que fora un error d'imprenta (1897 en cuenta de 1891).[2]

Referencies editar

  1. 1,0 1,1 1,2 1,3 URL de la referencia: https://www.lne.es/cuencas/2012/01/30/mariano-menendez-valdes-20953961.html. Data de consulta: 22 febreru 2023.
  2. 2,0 2,1 2,2 «Mariano Menéndez Valdés» (castellanu) (30 de xineru de 2012). Consultáu'l 22 de febreru de 2023.

Enllaces esternos editar