Marilyn Gaston
Marilyn Hughes Gaston (1939) ye una pediatra d'Estaos Xuníos conocida pol so trabayu sobre l'anemia de célules falciformes y la so dedicación p'ameyorar l'atención médica pa los desfavorecidos. Foi la primer muyer afroestauxunidense que dirixó una axencia de servicios de salú pública.
Marilyn Gaston | |
|---|---|
| Vida | |
| Nacimientu | 1939[1] (84/85 años) |
| Nacionalidá |
 Estaos Xuníos |
| Grupu étnicu | afroamericanu d'Estaos Xuníos |
| Estudios | |
| Estudios |
Miami University (es)  Universidá de Cincinnati University of Cincinnati College of Medicine (en) |
| Oficiu | médica |
| Premios | |
 | |
Biografía
editarMarilyn Gaston estudió Zooloxía na Universidá Miami n'Ohio, depués matriculóse na Facultá de Medicina de la Universidá de Cincinnati en 1960 y graduóse de Pediatría en 1964.[4][5] Dempués de conocer a un paciente nuevu con anemia de célules falciformes encegolar n'aprender tou lo que pudiera sobre esta enfermedá, nesa dómina trabayaba na National Institutes of Health (NIH).[5] Publicó un estudiu en 1986, que demuestra que'l tratamientu profilácticu al llargu plazu con penicilina, alministráu a los neños con esta enfermedá, puede prevenir les infeiciones graves y con ello la muerte.[6] Esto condució a que'l Congresu de los Estaos Xuníos aprobara una llexislación pa realizar evaluaciones tempranes pa diagnosticar l'anemia y empezar el tratamientu de forma oportuna.[5]
Gaston tamién lluchó por brindar atención médica algamadiza a les families probes y foi la primer muyer afroestauxunidense en dirixir una oficina de servicios de salú pública del gobiernu federal. Recibió munches reconocencies, incluyíu'l Lifetime Achievement Award de la National Medical Association (NMA), tolos gallardones daos pol United States Public Health Service ya inclusive se nomó un día festivu nel so honor, el Marilyn Hughes Gaston Day que se celebra cada añu en Cincinnati y en Lincoln Heights, Ohio.[5] Amás recibió dos doctoraos honoris causa en Ciencies, unu de la Universidá de Pennsylvania y otru de la Universidá de Dartmouth; un doctoráu honoris causa en Lletres de la Universidá de Medicina y Odontoloxía de Nueva Jersey;y foi escoyida pal del Salón de la Fama de les muyeres d'Ohio y pal Salón de la Fama de les muyeres de Maryland.[4]
Ver tamién
editarReferencies
editar- ↑ Afirmao en: mujeres negras estadounidenses notables. Autor: Jessie Carney Smith.
- ↑ URL de la referencia: https://www.ohiohistory.org/research/archives-library/state-archives/ohio-womens-hall-of-fame/.
- ↑ URL de la referencia: https://msa.maryland.gov/msa/educ/exhibits/womenshall/html/whflist.html.
- ↑ 4,0 4,1 «Marilyn Hughes Gaston, MD» (inglés). Women of the Hall. Maryland Women's Hall of Fame. Consultáu'l 19 de febreru de 2018.
- ↑ 5,0 5,1 5,2 5,3 «Dr. Marilyn Hughes Gaston» (inglés). Changing the face of Medicine. U.S. National Library of Medicine. Consultáu'l 19 de febreru de 2018.
- ↑ McCabe, Linda L.; McCabe, Edward R.B. (2010) DNA: Promise and Peril. University of California Press, páx. 138. ISBN 9780520265882.
Datos: Q16105083
