Mario Arias

Mario Arias
conceyal del Conceyu d'Uviéu
miembru del Senáu español
Presidente de Nueves Xeneraciones d'Uviéu
Vida
Nacimientu	Miranda, 5 de setiembre de 1979 (45 años)
Nacionalidá	España
Estudios
Estudios	Universidá d'Uviéu
Llingües falaes	castellanu
Oficiu	políticu
Creencies
Partíu políticu	Partido Popular

Mario Arias Navia (5 de setiembre de 1979, Miranda) ye un políticu español del Partíu Popular. Actualmente ye'l segundu teniente d'alcalde del Ayuntamientu d'Uviéu.

Biografía

Ñació n'Uviéu'l 5 de setiembre de 1979, anque a los pocos díes de treslladó a Miranda (Asturies), onde la so madre yera mayestra y el so padre tenía un pequeñu comerciu testil.

Estudió nun Colexu Públicu y a principios de los años noventa, treslladóse a Llión pa estudiar internu nel Colegio de los Dominicos de La Virgen del Camino. Dempués tornó a Uviéu pa rematar los estudios de BUP y COU.

Estudió Drechu na Universidá d'Uviéu, onde entró en contautu con mozos de les Nueves Xeneraciones, la organización moza del Partíu Popular. Coles mesmes trabayaba y entrenaba a mozos nel equipu de fútbol Juventud Estadio.

Nesa dómina, participó na política universitaria y tamién nos conseyos de la mocedá d'Uviéu y Asturies, representando a la organización moza del PP, hasta que foi escoyíu en 2006 Presidente de NNXX d'Uviéu. Siendo presidente de Nueves Xeneraciones remató la so carrera universitaria y colexóse como abogáu.

Trayeutoria política

Política municipal

Na llexislatura 2007-2011 llogró'l cargu de conceyal del Conceyu d'Uviéu y en payares de 2011 foi escoyíu per primer vegada senador por Asturies na candidatura del Partíu Popular d'Asturies. En 2015 volvió al conceyu como conceyal delegáu de Seguridá Ciudadana n'Uviéu.^[1]

El 26 de mayu de 2019 sale escoyíu conceyal del Conceyu d'Uviéu siendo parte del Gobiernu Municipal d'Alfredo Canteli en calidá de Segundu teniente d'alcalde.

Política nacional

Na X Llexislatura formó parte de les comisiones de Xusticia, Comisión Xeneral de les Comunidaes Autónomes, Igualdá, Pidimientos y Comisión Mesta de Rellaciones col Tribunal de Cuentes.

El les elecciones del 20 d'avientu y del 26 de xunu foi reelixíu senador pa la XI Llexislatura.^[2] Nesta ocasión ye'l voceru del Grupu Popular na Comisión de Pidimientos y tamién forma parte de les comisiones de Xusticia, Interior, Xeneral de les Comunidaes Autónomes y Comisión Mesta para les Rellaciones col Tribunal de Cuentes Mesta de Rellaciones col Tribunal de Cuentes.

Foi ponente de lleis importantes como la Llei d'Enxuiciamientu Civil o la Llei del Rexistru Civil.

En payares de 2013 llevó al Senáu una iniciativa pa pidir la declaración de la Sidra como Patrimoniu de la Humanidá que cuntó col sofitu del Gobiernu d'España.^[3]^[4]

Ver tamién

Enllaces esternos

Referencies

[1] ttps://www.lne.es/oviedo/2015/04/09/mario-aries-pp-toma-posesion/1738878.html

[2] ttps://elecciones.lne.es/resultados-elecciones/generales/senado/principado-de-asturias/asturias/

[3] ttps://www.lavanguardia.com/54393587987/index.html

[4] ttp://www.pp.es/actualidad-noticia/senado-aprueba-que-sidra-sea-declarada-patrimonio-inmaterial-humanidad

[1]

[2]

[3]

[4]