Masegosa
Masegosa ye un conceyu español de la provincia de Cuenca, na comunidá autónoma de Castiella-La Mancha, allugáu na Serranía de Cuenca, a 88 km de la capital provincial, cerca de la nacencia del ríu Cuervu. El pueblu ta a 2km de Lagunaseca y a 7km de Beteta.
 Masegosa | |
|---|---|
 | |
| Alministración | |
| País |  España |
| Autonomía |  Castiella-La Mancha |
| Provincia |  provincia de Cuenca |
| Tipu d'entidá | conceyu d'España |
Alcalde de Masegosa (es)  | Juan Carlos Martínez Rihuete |
| Nome oficial | Masegosa (es)[1] |
| Códigu postal |
16878 |
| Xeografía | |
| Coordenaes | 40°32′50″N 2°01′33″W / 40.5473°N 2.0258°O |
  Masegosa Masegosa (España) | |
| Superficie | 30.2 km² |
| Altitú | 1300 m |
| Llenda con | Cuenca, Lagunaseca, Beteta y Cueva del Hierro |
| Demografía | |
| Población |
65 hab. (2023) - 37 homes (2019) - 27 muyeres (2019) |
| Porcentaxe |
0% de provincia de Cuenca 0% de Castiella-La Mancha 0% de España |
| Densidá | 2,15 hab/km² |
 | |
Ye un llugar apacible, plácidu y serenu que s'atopa estremáu d'otros nucleos urbanos. Ta habitáu por una población de llabradores y pastores que viven n'harmonía cola naturaleza. La so población ye de 78 habitantes (INE 2016).
Anque ye un pueblu amenorgáu, entá puede apreciase lo que foi antaño, el patrimoniu natural de Masegosa ye inmensu, dende impresionantes paraxes naturales hasta increíbles cueves, dalgunes de les cualos entá nun fueron esploraes na so totalidá.
Historia editar
El momentu de mayor puxanza poblacional de Masegosa foi nel sieglu XX. Nos años 50 la población xubió a 120 vecinos y 432 habitantes.
Los trabayos de Masegosa siempres tuvieron venceyaos al sector primariu. Dende mozos, los neños yeren educaos nel arte del llendo, ente que les neñes quedábense en casa p'aprender xeres doméstiques.
Nos años 70, Masegosa esperimenta l'éxodu rural que se taba dando en tolos pueblos d'España. Los más nuevos vieron la posibilidá d'espolletar si mover a ciudaes grandes onde'l sector industrial taba en puxanza. Esta mentalidá condució a Masegosa a perder gran parte de la so población y al avieyamientu de la mesma.
Ello provocó que na actualidá pasárase de los 120 vecinos d'antaño (años 50) a los actuales 78.
Fauna y paisaxe editar
Nos sos montes ye frecuente columbrar diverses especies cinexétiques. Ente les más frecuentes atópense: venaos, xabalinos, gamos y corzos. Amás, cerca del pueblu atopa una llaguna, conocida popularmente como "lagunillas", na qu'habiten gran cantidá de xaronques.
Tien un gran valor faunísticu y paisaxísticu.[ensin referencies]
Cueves editar
Dientro del términu municipal esisten delles cueves d'orixe cársticu de gran interés espeleolóxicu.[ensin referencies]
Les cueves más cercanes son la Cueva del Hierro, la Cueva de los Mosquitos y la Cueva de los Griegos.
Referencies editar
- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
Enllaces esternos editar
Wikimedia Commons acueye conteníu multimedia sobre Masegosa.
