Medaya d'Andalucía

Medaya d'Andalucía
Primer entrega	1985
	Sitiu oficial
	[editar datos en Wikidata]

La Medaya d'Andalucía ye un títulu honoríficu creáu pola Xunta d'Andalucía en 1985 y reguláu pol Decretu 117/85, de 5 de xunu, que tien por oxetu reconocer «les aiciones, servicios y méritos escepcionales o estraordinarios realizaos en tiempos de paz por ciudadanos, grupos o entidaes andaluces, españoles o estranxeros» que representen «l'exerciciu de virtúes individuales o colectives que tengan como referencia la solidaridá y el trabayu en beneficiu de los demás ciudadanos».^[1]

Categoríes

Dende 2019 el gallardón consta de les diez categoríes amosaes darréu:

Medaya d'Andalucía de les Ciencies Sociales y les Lletres.
Medaya d'Andalucía de les Artes.
Medaya d'Andalucía del Deporte.
Medaya d'Andalucía de la Solidaridá y la Concordia.
Medaya d'Andalucía de la Economía y la Empresa.
Medaya d'Andalucía de la Investigación, la Ciencia y la Salú.
Medaya d'Andalucía de la Proyección d'Andalucía.
Medaya d'Andalucía al Méritu Medioambiental.
Medaya d'Andalucía a los Valores Humanos.
Medaya d'Andalucía Manuel Clavero Arévalo, que se concede en reconocencia a la especial trayectoria d'una persona física o xurídica, grupu o entidá, na defensa y fomentu del interés xeneral d'Andalucía.

Referencies

↑ «DECRETO 117/1985, de 5 de junio, por el que se crea la Medalla de Andalucía.» (castellanu). Consultáu'l 11 de payares de 2024.

Enllaces esternos

[1] «DECRETO 117/1985, de 5 de junio, por el que se crea la Medalla de Andalucía.» (castellanu). Consultáu'l 11 de payares de 2024.

[1]