Melbourne ye la ciudá capital, y mayor ciudá, del estáu australianu de Victoria, y la segunda mayor d'Australia y Oceanía[1]. El nome Melbourne fai referencia a la ciudá, pero tamién a l'aglomeración urbana que s'estiende per 9.992,5 km²[2] y forma la so área metropolitana. La metrópolis asítiase na bahía natural de Port Phillip, y espárdese hacia l'interior al traviés de les cordeleres montañoses de Dandenong y Macedon, la península de Mornington y el valle de Yarra. Melbourne, que ta formáu por 31 conceyos[3], tenía una población, en 2016[1], de 4.725.316 habitantes, nomaos Melburnians.

Melbourne
Flag of Melbourne (en) Traducir Escudo de la ciudad de Melbourne (es) Traducir
Alministración
PaísBandera de Australia Australia
Estáu federáuBandera de Victoria (Australia) Victoria (Australia)
Tipu d'entidá ciudá
Nome oficial Melbourne (en-au)
Nome llocal Melbourne (en-au)
Códigu postal 3000–3207
Xeografía
Coordenaes 37°48′51″S 144°57′47″E / 37.8142°S 144.9631°E / -37.8142; 144.9631
Melbourne alcuéntrase n'Australia
Melbourne
Melbourne
Melbourne (Australia)
Superficie 9993 km²
Altitú 31 m
Llenda con
Demografía
Población 5 031 195 hab. (30 xunu 2022)
Porcentaxe 74.35% de Victoria (Australia)
19% de Australia
Densidá 503,47 hab/km²
Más información
Fundación 30 agostu 1835
Prefixu telefónicu 0370, 0371, 0372, 0374, 0376, 0377, 0378, 0379, 0383, 0385, 0386, 0390, 0391, 0392, 0393, 0394, 0395, 0396, 0398 y 0399
Estaya horaria UTC+10:00 (horariu estándar)
UTC+11:00 (horariu de branu)
Australia/Melbourne (en) Traducir
Llocalidaes hermaniaes Milán
visitmelbourne.com
Cambiar los datos en Wikidata

Fundada por ciudadanos llibres de la colonia de la Corona británica de Tierra de Van Diemen el 30 d'agostu de 1835, no que daquella yera la colonia de Nueva Gales del Sur[4], convirtióse nún asentamientu de la Corona en 1837[4]. Fue nomada "Melbourne" pol gobernador Richard Bourke, n'honor del primer ministru británicu del tiempu, William Lamb, segundu vizconde de Melbourne[4]. La reina Victoria dio-y oficialmente'l títulu de ciudá en 1847, y poco dempués, en 1851, convirtióse na capital de la recién fundada colonia de Victoria[5]. Demientres la fiebre del oru de Victoria de la década de 1850 convirtióse nuna de les mayores y más prósperes ciudaes del mundu[6]. Tres de la formación de la federación australiana en 1901 la ciudá convirtióse na so sé provisional del gobiernu hasta 1927[7]. Foi, tamién, sé de los Xuegos Olímpicos de 1956 y de los Xuegos de la Commonwealth en 2006.

Melbourne foi, según la Economist Intelligence Unit, la meyor ciudá pa vivir nel mundu, por séptimu añu consecutivu, en 2017[8]. Ye un centru financieru perimportante de la rexón Asia-Pacíficu, y aveza a considerársela la capital cultural d'Australia[9]: nella nacieron l'impresionismu australianu, les regles del fútbol australianu, la industria cinematográfica y televisiva australiana y la danza contemporánea australiana.

El principal aeropuertu de la metrópolis y l'estáu ye l'aeropuertu de Melbourne (o aeropuertu de Tullamarine), el segundu con más movimientu de pasaxeros d'Australia. El so puertu, pela so banda, ye'l de mayor tráficu, neto a granel qu'en contenedores, del país, y ente la so amplia rede de tresporte cuenta cola mayor rede de tranvía urbanu del mundu[10].

Llocalidaes hermaniaes

Les ciudaes hermaniaes con Melbourne son:

Referencies editar

  1. 1,0 1,1 «3218.0 – Regional Population Growth, Australia, 2015–16». Australian Bureau of Statistics (28 de xunetu de 2017). Consultáu'l 30 de xineru de 2018.
  2. «3218.0 – Regional Population Growth, Australia, 2015–16: Population Estimates by Statistical Area Level 2 (ASGS 2016), 2006 to 2016». Australian Bureau of Statistics (28 de xunetu de 2017). Consultáu'l 30 de xineru de 2018. Estimated resident population, 30 June 2016.
  3. «Victorian Local Government Directory». Department of Planning and Community Development, Government of Victoria. Archiváu dende l'orixinal, el 15 September 2009. Consultáu'l 11 September 2009.
  4. 4,0 4,1 4,2 «History of the City of Melbourne» páxs. 8–10. City of Melbourne (November 1997). Consultáu'l 28 January 2018.
  5. Lewis, Miles (1995). City of Melbourne: Melbourne: the city's history and development. ISBN 0-949624-71-3.
  6. Cervero, Robert B. (1998). Island Press: The Transit Metropolis: A Global Inquiry. ISBN 1-55963-591-6.
  7. «Commonwealth of Australia Constitution Act». Department of the Attorney-General, Government of Australia. Archiváu dende l'orixinal, el 11 de marzu de 2010. Consultáu'l 30 de xineru de 2018.
  8. Stephanie Chalkley-Rhoden (16 d'agostu de 2017). World's most liveable city: Melbourne takes top spot for seventh year running. Australian Broadcasting Corporation. https://www.abc.net.au/news/2017-08-16/melbourne-named-worlds-most-liveable-city-for-seventh-year/8812196. Consultáu'l 30 de xineru de 2018. 
  9. Westwood, Matthew (26 de payares de 2013). The Cultural Capital's Perfect 10. The Australian. News Limited. Retrieved 30 de xineru de 2018.
  10. «Investing in Transport Chapter 3 – East/West, Section 3.1.2 – Tram Network» (PDF). Department of Transport, Government of Victoria. Consultáu'l 30 de xineru de 2018.
  11. URL de la referencia: https://www.comune.milano.it/aree-tematiche/relazioni-internazionali/city-to-city-cooperation/gemellaggi/melbourne.

Enllaces esternos editar