Mercantilismu

Il Ritorno del Bucintoro al molo nel giorno dell'Ascensione (c.1738), cuadru de Canaletto. La República de Venecia foi una de les potencies mercantilistes del Mediterraneu occidental.

El mercantilismu ye una política económica que busca consiguir que les esportaciones d'un país seyan les mayores posibles y que les importaciones seyan les menores posibles. P'algamalo promueve l'imperialismu, la imposición d'aranceles a les importaciones y la concesión de subsidios a los bienes esportables. El so oxetivu ye reducir lo más posible el déficit por cuenta corriente, ya inclusu alcanzar un superávit cuando seya posible, y pa eso busca acumular reserves monetaries al traviés d'un balance comercial, especialmente de bienes manufacturaos, positivu. Estes polítiques, históricamente, dieron puxu al impulsu colonial de los países, y acabaron provocando guerres al chocar los intereses de los diferentes estaos.

El mercantilismu foi la doctrina dominante na Europa más avanzao ente los sieglos XVI y XVIII, na dómina de la protoindustrialización. Lluéu cayó en decayencia, magar que dellos autores consideren que l'intervencionismu económicu que practiquen anguaño los países en víes d'industrialización ye una forma de mercantilismu. Esti intervencionismu traduzse nún control gubernamental de la economía que tien como oxetivu aumentar el poder d'un estáu a costa del de los sos estaos rivales.

Los esfuercios fechos, de magar la Segunda Guerra Mundial, por parte d'organizaciones internacionales como la Organización Mundial del Comerciu pa consiguir una reducción global d'aranceles son obstaculizaos pola medría de les barreres non arancelaries al comerciu, que son ún de los pilares del neomercantilismu.

ReferenciesEditar

Enllaces esternosEditar