Micronesia

Micronesia ye una rexón d'Oceanía qu'abarca los archipiélagos del oeste del océanu Pacíficu. Políticamente, tán estremaes n'ocho territorios. Cuenta con una población de 340.000 habitantes.[cita ^{[ensin referencies]}

Micronesia
Situación
Tipu	grupu d'oxetos
Parte de	Oceanía
Coordenaes	12°N 152°E
Datos
Población	321 304 (2023)

Estaos independientes:

• Paláu
• Estaos Federaos de Micronesia
• Islles Márxal
• Nauru
• Kiribati (namái les Islles Gilbert)

Dependencies d'Estaos Xuníos d'América:

• Guam
• Wake
• Islles Marianes del Norte
• Guam (Guåhån en chamorro), que forma parte del archipiélagu de les Marianes, ye una dependencia de los Estaos Xuníos d'América dende 1898 (cuando foi vencida per España, como Cuba, Puertu Ricu y Filipines). Wake foi ocupada polos estauxunidenses en 1899. Los cuatro siguientes constituyíen enantes el Territoriu en Fideicomiso de les Islles del Pacíficu (ente los dos guerres mundiales xaponés, y antes español, sacante les islles Márxal, que yeren alemanes). Les Paláu y los actuales Estaos Federaos de Micronesia yeren conocíes como les islles Carolines. Nauru foi alemán hasta la Primer Guerra Mundial en que pasó a Australia. Les Islles Gilbert (güei en Kiribati) fueron colonia británica. Sicasí, el dominiu européu nun empezó hasta bien avanzáu'l sieglu XIX.

Llingües

Les llingües natives de Micronesia pertenecen a la familia llingüística austronesia (o malayu-polinesia); la mayoría formen parte de la caña micronesia de les llingües oceániques; a la caña polinesia pertenecen les llingües de Kapingamarangi y Nukuoro (Estaos Federaos de Micronesia). Pero la llingua de Paláu y la de Guam y Marianes del Norte (chamorro) tán más próximes a les del Este d'Indonesia. Ta bien estendíu l'inglés.

Cambéu climáticu

Lamentablemente col cambéu climáticu delles islles tan sumiendo pola xubida del nivel del mar, nesti casu tan les islles Gilbert, Kiribati (33 Islles). La ONU concluyía nun informe que les islles taben en serio peligru de sumise so les agües. [1]

Ver tamién

• Melanesia
• Polinesia

Enllaces esternos

• Wikimedia Commons tien conteníu multimedia tocante a Micronesia.

• Datos: Q3359409
• Multimedia: Micronesia