Miguel Hilarión Eslava

Miguel Hilarión Eslava
Capellán del rey de España (es)	;
Capellán del rey de España (es)
Vida
Nacimientu	Burlada (es) , 21 d'ochobre de 1807
Nacionalidá	España
Muerte	Madrid, 23 de xunetu de 1878 (70 años)
Estudios
Llingües falaes	castellanu
Alumnu de	Francisco Secanilla; Julián Prieto
Profesor de	Gaspar Espinosa de los Monteros y Jiménez; Pedro de Urrutia y Cruz
Oficiu	compositor, musicólogu
Emplegadores	Conservatoriu Superior de Música de Madrid
Xéneru artísticu	oratorio (es) ; música sacra (es) ; ópera
Creencies
Relixón	Ilesia Católica

Miguel Hilarión Eslava Elizondo (21 d'ochobre de 1807, Burlada ^(es) – 23 de xunetu de 1878, Madrid) foi un compositor y musicólogu español del sieglu XIX, gran defensor de la ópera española.

Biografía

Foi neñu de coru y violinista de la Catedral de Pamplona. Estudió órganu, violín y pianu con Julián Prieto, y composición con Francisco Secanilla.

En 1828 foi maestru de capiya de la Catedral d'El Burgo de Osma; treslladóse a Sevilla, onde ordénase sacerdote y figura como maestru de la Real Capiya. Mientres la so estancia en Sevilla estrenó delles obres de calter secular.

En 1844 viaxa a Madrid onde ye tamién maestru de capiya de la Capiya Real de Madrid. En 1854 ye nomáu profesor de composición del Conservatoriu de Madrid, centru qu'once años más tarde pasó a dirixir.

Foi fundador, xunto con Arrieta, Gaztambide y Barbieri, del grupu La España Musical, dedicáu a defender la ópera española. Les sos obres denoten influencia italiana y ta consideráu ún de los pocos auténticos músicos románticos españoles.

Formó parte, xunto a Hernando, Inzenga y Gaztambide, d'una comisión executiva pa la organización de los conciertos de la Sociedá Artísticu-Musical.

Ente la so enantada obra atópense tres óperes: Il Solitario (1841), Las treguas de Tolemaida (1842) y Pietro il Crudele (1843), delles obres sinfóniques (Sinfonía fantástica, la cantata La guerra de África...), y más de 140 composiciones relixoses ente les qu'hai, ente otres munches pieces, ocho Mises, Oficio de difuntos, Te Deum, dellos motetes, catorce Lamentaciones, seis Salve Regina, una de les que cántase tolos años el sábadu previu al 26 de xunetu en Tudela, n'honor de Santa Ana, y trés Stabat Mater.^[3] Dalgunes de les sos obres más conocíes ye El Miserere de Sevilla y el Miserere de Jerez qu'entá s'interpreten añalmente'l Sábadu de Pasión, y el Miserere pa la S.I. Catedral de Baeza, que s'interpreta'l Martes Santu.

Ye autor de "Lira Sacro hispana" (1869), antoloxía en siete volúmenes de la música relixosa española de los sieglos XV y XVI. Asina mesmu, foi autor d'obres de calter pedagóxicu, como'l so "Método de Solfeo" (1846), qu'usóse mientres más d'un sieglu como material d'enseñanza, "Método completo de solfeo sin acompañamiento", "Tratado tercero de la melodía y discurso musical" (1871), "La Escuela completa de armonía y composición", etc.

Cuando Europa asistía a la segunda folada romántica con figures como la de Brahms, cuando trunfaba'l nacionalismu ya imponíase Wagner, cuando, inclusive n'España estrenárase la Primera Sinfonía de Pedro Miguel Marqués, Hilarión Eslava espublizaba la segunda edición del so tratáu «Escuela de Composición». Nel terceru de los sos volúmenes, dedicáu al estudiu de la melodía y el discursu musical, hai una serie d'observaciones sobre les formes nel arte sonoro.

Tien d'alvertise qu'Eslava nun yera un retrógradu, y que munches vegaes aportunaba nel valor del sentimientu y del entusiasmu sobre les fríes regles. Eslava arrenunciaba al analís de páxines qu'él llamaba romántiques como sinónimu d'estravagantes o caprichoses, productu de la pura anarquía, ensin suxeción a llei dalguna.

La so sepultura alcuéntrase nel campusantu de la so llocalidá natal, ye obra de Mariano Benlliure.

Bibliografía

José Enrique Ayarra Jarne. Hilarión Eslava en Sevilla. Diputación Provincial de Sevilla. Servicio de Publicaciones. Sevilla, 1979.
Gómez Amat, Carlos. "Historia de la música española" Ed: Alianza Música. ISBN 84-206-6477-4(tomo 5)
Leocadio Hernández Ascunce. Estudio Bio-Bibliográfico de Hilarión Eslava. Fondo de Publicaciones del Gobierno de Navarra. Pamplona, 1978.
VV.AA. Monografía de Hilarión Eslava. Fondo de Publicaciones del Gobierno de Navarra. Pamplona, 1978.
Karmele Saint Martin. Don Hilarión Eslava. Fondo de Publicaciones del Gobierno de Navarra. Pamplona, 1973.

Grabaciones

Hilarión Eslava, (Coral de Cámara de Pamplona, Órg. Oscar Candendo, Dir. David Guindano, ARSIS 4222)

Referencies

↑ ^1,0 ^1,1 Afirmao en: autoridaes BNF. Identificador BnF: 14805043k. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ GALLEGO, A. (1978). "Eslava y la ópera". Monografía de Hilarión Eslava. pp. 179–ss.

Enllaces esternos

[c7525d0fad8c012822de929ec263dd8d9a10f880-1] 1,0 ^1,1 Afirmao en: autoridaes BNF. Identificador BnF: 14805043k. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[9ec3235dc5f5cf1eab710b3d5ba8b9372e27b4c0-2] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[3] GALLEGO, A. (1978). "Eslava y la ópera". Monografía de Hilarión Eslava. pp. 179–ss.

[1]

[2]

[3]