Miguel Urbán

políticu español

Miguel Urbán Crespo (26 de marzu de 1980Madrid) ye un activista y políticu español, cofundador de Podemos y, dende'l 5 de marzu de 2015, eurodiputáu por esta formación, en sustitución de Teresa Rodríguez.[3] Dende'l 18 de febreru de 2017 ye responsable de la Secretaría d'Europa de la executiva nacional de Podemos.[4]

Miguel Urbán
eurodiputáu

2 xunetu 2019 -
Distritu: España
Eleiciones: eleiciones al Parllamentu Européu de 2019 n'España
eurodiputáu

5 marzu 2015 - 1r xunetu 2019
Teresa Rodríguez
Distritu: España
Eleiciones: VIII legislatura del Parlamento Europeo (es) Traducir
Vida
Nacimientu Madrid26 de marzu de 1980[1] (43 años)
Nacionalidá España
Estudios
Llingües falaes castellanu
Oficiu políticuactivista
Miembru de Consejo Ciudadano Estatal de Podemos (es) Traducir[2]
Creencies
Partíu políticu Podemos (dende 2014)
Izquierda Anticapitalista (es) Traducir (de 2011 a 2015)
miguelurban.info
Cambiar los datos en Wikidata

Biografía editar

Miguel Urbán Crespo nació en Madrid en 1980 y estudió Historia na Universidá Complutense de Madrid, anque nun se llegó a llicenciar.[5]

Trabayó en delles ONG, na redaición de la revista Vientu Sur, y como xestor cultural de la llibrería cooperativa La Marabunda. L'establecimientu, nel barriu madrilanu de Lavapiés, sirvió como llugar de xunta de dalgunos de los actuales miembros de Podemos y cerró apocayá.[6][7]

Como activista políticu, militó nel movimientu estudiantil, sobre'l qu'escribió numberosos artículos y llibros –como coautor–, y participó nel movimientu alterglobalizador, contra la guerra d'Iraq y nel movimientu 15-M.

Nes eleiciones xenerales de 2011 foi cabeza de llista d'Izquierda Anticapitalista pola circunscripción de Madrid.[8]

Yá con Podemos, foi na séptima posición de la so llista pa les eleiciones europees de 2014. Anque la formación llogró cinco escaño, tres l'arrenunciu de Carlos Jiménez Villarejo, en xunetu de 2014, y la marcha de Teresa Rodríguez, candidata a presidir la Xunta d'Andalucía, aportó finalmente al Parllamentu. Tomó posesión de la so acta como eurodiputáu el 5 de marzu de 2015.

En febreru de 2017 el líder del sector Anticapitalista, na Asamblea Ciudadana Estatal de Vistalegre II cuestionó l'enfrentamientu nel cume ente Pablo Iglesias ya Íñigo Errejón y la so intervención foi una de les más aplaudíes.[9] Foi escoyíu miembru de Conseyu Ciudadanu Estatal al que se presentó cola candidatura "Podemos en Movimientu" quedando nel puestu númberu 23 con 3.229.976 puntos, el 26,02% de los puntos.[10]

El 18 de febreru de 2017 foi escoyíu secretariu d'Aición nel Parllamentu Européu na executiva nacional de Podemos.[4]

Referencies editar

Enllaces esternos editar