Miro Cerar
Miroslav Cerar (25 d'agostu de 1963, Liubliana)[3], conocíu como Miro Cerar, ye un abogáu y políticu eslovenu, actual Primer Ministru del so país dende'l 18 de setiembre de 2014.
Cerar ye fíu de Miroslav Cerar, doble medayista olímpicu en ximnasia y abogáu eslovenu, y de Zdenka Cerar, exministra de Xusticia y Fiscal Xeneral d'esi mesmu país.
Foi caderalgu de la Facultá de Derechu de la Universidá de Liubliana, y asesor llegal del Parllamentu de Eslovenia.
Tres la dimisión en mayu de 2014 del anterior Gobiernu Eslovenu, lideráu por Alenka Bratušek, creó un nuevu partíu políticu (exactamente'l 2 de xunu), y anunció que se presentaba como candidatu pa convertise nel nuevu Primer Ministru d'Eslovenia. El nuevu partíu llámase Stranka Mira Cerarja (SMC).
Cerar abogó na so campaña eleutoral por "devolver la moral a la política", y dir en contra rotundamente de la corrupción política. Pero como él mesmu yá avanzó "el nuesu partíu tien como oxetivu que Eslovenia cumpla coles sos obligaciones cola Xunión Europea, pero vamos buscar nueses mesmes fórmules pa llogralo de la meyor manera posible pa Eslovenia", da a pensar que nun va siguir la mesma sienda de midíes que llevaron los sos antecesores al cargu.
Nes Eleiciones de Eslovenia de 2014, el SMC (Stranka Mira Cerarja - n'español, Partíu de Miro Cerar) llogró 36 de los 90 escaños del Parllamentu de Eslovenia, col 35% del eleutoráu.[4]
Referencies
editar- ↑ Afirmao en: Enciclopedia Brockhaus. Identificador de Brockhaus Enzyklopädie en línea: cerar-miroslav-miro. Apaez como: Miroslav (Miro) Cerar. Llingua de la obra o nome: alemán.
- ↑ Afirmao en: CONOR.SI. Identificador CONOR.SI: 3920995.
- ↑ Republic of Slovenia. «MIRO CERAR, PRIME MINISTER OF THE REPUBLIC OF SLOVENIA» (inglés).
- ↑ Un candidatu ayenu a la política gana en Eslovenia con un discursu anticorrupción
Enllaces esternos
editar
Wikimedia Commons acueye conteníu multimedia sobre Miro Cerar.
Datos: Q17117413- Multimedia: Miroslav Cerar Jr.
