Mistra
Mistra (tamién Mystras, Mystra o Mistras; en griegu Μύστρας , Μυζηθράς Mizithras o Myzithras na crónica de Morea) foi una ciudá fortificada en Morea, (Peloponesu) sol monte Taygetos, metanes l'antigua Esparta, en Grecia. Allúgase a unos ocho quilómetros al oeste de l'actual ciudá de Sparti (Esparta).
 Mistra | |
|---|---|
 | |
| Alministración | |
| País |  Grecia |
| División alministrativa | Decentralized Administration of Peloponnese, Western Greece and the Ionian Islands (en)  |
| Rexón | periferia del Peloponeso (es) |
| Unidaes perifériques | unidad periférica de Laconia (es) |
| Municipio (es) | municipio de Esparta (es) |
| Tipu d'entidá | xacimientu arqueolóxicu |
| Nome oficial | Μυστράς (el) |
| Nome llocal | Μυστράς (el) |
| Xeografía | |
| Coordenaes | 37°04′26″N 22°22′02″E / 37.074°N 22.3673°E |
  Mistra Mistra (Grecia) | |
| Superficie | 0.54 km² |
| Altitú | 310 m[1] |
 | |
Mistra foi la capital del Despotáu llatín de Morea, nun principáu vasallu del Principáu llatín d'Acaya, afitáu en 1205 tres la conquista de Constantinopla metantu la Cuarta Cruzada. El príncipe Guillermu II de Villehardouin, sobrín del historiador de la Cuarta Cruzada Godofredu de Villehardouin, allevantó un palaciu en Mistra nel añu 1249.
El Despotáu llatín foi reconquistáu por Miguel VII Paleólogu en 1262, tres tomar Constantinopla en 1261, cuando Xuan Paleólogu, hermanu de Miguel, pidió rescate por Guillermu al restu de los príncipes llatinos. Siguió siendo la capital del Despotáu de Morea, gobernada por familiares del Emperador Bizantín, magar que los venecianos caltuvieron el control de la costa y les islles del delláu. Mistra ya'l restu de Morea aportaron a ser enforma bayuroses dende 1261 en comparanza col restu del Imperiu. Baxo'l gobiernu del déspota Teodoru, tresformóse na segunda ciudá más importante del Imperiu, tres Constantinopla, y el palaciu de Guillermu II foi la segunda residencia imperial.
Mistra tamién foi'l caberu centru de la cultura bizantina: el filósofu neoplatónicu Georgius Gemistus Plethon, vivió na ciudá hasta la so muerte en 1452. Ésti, xunto con dellos académicos de Mistra, tuvieron una gran influyencia sobro'l Renacimientu italianu, sobro too dempués de que Gemistus Plethon acompangase al emperador Xuan VIII Paleólogu a Florencia en 1439.
El caberu emperador bizantín, Constantín XI foi déspota en Mistra enantes d'algamar el tronu. Demetriu, el caberu déspota de Morea, rindió la ciudá al Imperiu Otomanu de Mehmet II en 1460. Los venecianos ocuparon la ciudá ente 1687 y 1715, pero siguió siendo turca hasta 1832, cuando foi abandonada pol rei Otón de Grecia a favor de la nueva Esparta.
Referencies
editar- ↑ URL de la referencia: http://dlib.statistics.gr/Book/GRESYE_02_0101_00098%20.pdf.
Enllaces esternos
editar
Wikimedia Commons acueye conteníu multimedia sobre Mistra.- Vista aérea de Mistra en Google Maps
- Ministeriu Griegu de Cultura Información sobro'l xacimientu arqueolóxicu de Mistra.
