Moé

Moé o moe (萌え), lliteralmente "florecimientu", ye una pallabra del argot xaponés qu'orixinalmente se refier a un fetiche polos personaxes de videoxuegos, anime o manga. Por exemplu, (眼鏡っ娘萌え), meganekko-moe, "moe de moces de gafes", describe a una persona que se siente atrayída por personaxes ficticios qu'usen gafes. Dende entós, tuvo que ser emplegada como un términu más xeneral que describe pasatiempos, zunes o fetiches (non sexuales); (鉄道萌え), tetsudou-moe, "moe de trenes", ye simplemente un interés apasionáu polos trenes. Un moekko ye un personaxe que pue ser consideráu un estereotipu moe.

Anque les carauterístiques d'un personaxe moé son abegoses de definir, estos puen ser identificaos facilino.

"Moe!" ye tamién usáu polos aficionaos al anime, ya inclusive en dellos animes, como una interxeición que se refier a un personaxe al cual el falante considera moé. Ansí como con munchos aspeutos de los aficionaos, el manga y anime que pue ser criticáu o favorecíu polos otakus moé depende de la opinión de cada quién. L'anime bishōjo y el moé son trataos ocasionalmente como 'xéneros' sinónimos, anque esto davezu depende de la perceición de cuan evidente seya l'atrautivu que tenga'l show.

Rasgos más comunes de moé qu'inclúin la xuventú como rasgu físicu (la edá) o como rasgu emocional (inxenua o inocente) y dalguna debilidá obvia qu'atraiga simpatía suelen foncionar bastante bien. Sicasí, munchos artistes tienen definíu moé ensin tener que referise a cualaquier personaxe del que la personalidá espierte na audiencia una rempuesta proteutora o afectuosa. Dexando les apariencies de llau, una personalidá moekko pue variar ampliamente; dada una audiencia específica, podría ser tamién una "marimachu" o una que fore sarcástica y cínica. Delles de les más populares moekko en realidá tienen pocos rasgos que permitan encasillales como tales, y otres adquirieronlu por accidente.

Por exemplu, Kyoko Otonashi (Maison Ikkoku), Yomiko Readman y Mizuho Kazami (Onegai Teacher) ronden los venti años o más y tovía son consideraes frecuentemente como moé anque téunicamente nun son moces mui xóvenes. En situanzes más inusuales, Bridget (Guilty Gear) y Loran Cehack (Gundam) (quienes visten mui convincentemente como homes) tienen munchos de los rasgos típicos que s'alcuentren nes moekko que ficieron que tengan gran acoyida por parte de los fans moé.