Monarquía parllamentaria
La monarquía parllamentaria ye'l sistema políticu, común en munches democracies occidentales del momentu, nel que'l rei exerz la función de Xefe del Estáu baxo'l control del poder Llexislativu (Parllamentu) y del poder Executivu (Gobiernu).
Na mayoría de les monarquíes parllamentaries actuales l'autonomía y poderes del monarca tán mui llimitaos y recortaos, pudiendo'l Parllamentu en cualesquier momentu tomar decisiones qu'obliguen al so cumplimientu per parte'l Rei. Les esceiciones a estes llimitaciones xeneralizéss son pures reminiscencies históriques que se mantienen por tradición en delles monarquíes más antigües, magar que normalmente refiérense a temes de poca trascendencia pa la vida política del país. La toma efectiva de decisiones mantiénse nel Gobiernu y nes distintes cámares de representación parllamentaria, que nuna monarquía parllamentaria son consideraos los depositarios de la soberanía popular.
Pue considerase la Monarquía Parllamentaria como una evolución histórica (dende la perspeutiva democrática), del conceutu de Monarquia Constitucional, na que'l Monarca tovía retenía, constitucionalmente, diverses funciones de trascendencia (como nomar al Primer Ministru, o disolver el Parllamentu).
Referencies
editarEnllaces esternos
editar
Wikimedia Commons tien conteníu multimedia tocante a Monarquía parllamentaria.
Datos: Q3330103
