Monesteriu Santa María de Lapedo

El monesteriu de Santa María de Lapedo (o de Belmonte) foi un monesteriu cisterciense allugáu nel conceyu asturianu de Miranda.

Monesteriu Santa María de Lapedo
abadía y monasterio cisterciense (es)
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Miranda
Coordenaes	43°16′57″N 6°13′00″W
Monesteriu Santa María de Lapedo Monesteriu Santa María de Lapedo (Asturies)
Arquiteutura
Estilu	arquiteutura románica

Historia

El monesteriu de Santa María de Lapedo foi fundáu nel sieglu XI polos condes Pelayo Froilaz e Ildoncia Ordoñez y caltúvose hasta'l sieglu XIX. El so nome significa llugar con munches piedres y como nun sonaba bien se camudó a Balmonte que fai referencia a Bello Monte.

Hasta'l sieglu XIX, el monesteriu foi'l principal propietariu de la zona polo que casi toles tierres pertenecíen-y y para él trabayaben la mayor parte de los vecinos de la zona.

Cola desamortización pasó a ser propiedá del estáu y convirtióse nuna cantera d'onde estrayíen piedres para nueves construcciones de la villa de Balmonte.

Arquiteutura

A lo llargo de los sieglos, la ilesia tuvo diverses formes. Na dómina medieval, tenía un ábside circular que nel sieglu XVI reformose a un ábside rectu. El suelu de la cabecera taba formáu por piedra y morteru de cal. Na ilesia inda podemos reparar restos de los murios llateral y la cabecera.

El monesteriu taba estremáu nes siguientes partes: la puerta funeraria, la ilesia conventual, la sala capitular, l’escriptorium, el llocutoriu, el reflectoriu, la cocina, la hospedería, la portería, la capiya, l'atriu, el calefactoriu y el claustru. Polos restos atopaos sabemos que primero se construyó la ilesia y darréu el monesteriu.

Intereses

En 1151 Alfonso XVII de Llión dio un privilexu al monesteriu conocíu como’l “fueru o carta fundacional”.

El nome de Santa María de Lapedo procede del nome que recibíen na dómina les roques que sobresalíen de la tierra.

Yera frecuente que los monxos soterraren a los finaos nel patiu del monesteriu, polo que creemos qu'en Santa María de Lapedo puedan atopase tumbes y restos humanos.

Tres la desamortización dieron permisos para construyir coles piedres del monesteriu distintos edificios del pueblu de Balmonte como la cárcel, actual biblioteca, y gran cantidá de cases vecinales, gracies a esto entá podemos ver los restos del monesteriu pola villa.

Xeneralmente les Ilesies empobínense al Este, pero la cabecera de la última fase de la ilesia del monesteriu ta empobinada al nordeste.

Enlaces

• https://arqueologiaagraria.wordpress.com/2019/05/13/proyecto-conciencia-historica-arqueologia-y-ciencia-en-el-colegio-publico-de-balmonte/

Enllaces esternos

• Wikimedia Commons tien conteníu multimedia tocante a Monesteriu Santa María de Lapedo.

• Datos: Q1775010
• Multimedia: Monasterio de Belmonte