Monte Hope (L'Antártida)

El monte Hope ye una llomba arrondada, con una elevación d'unos 1.100 m, allugada al pie del glaciar Beardmore, na Barrera de xelu de Ross, en L'Antártida.

Monte Hope (L'Antártida)
monte
Situación
Condominio (es)	Rexón del Tratáu Antárticu
Cordal	Montes Tresantárticos
Coordenaes	83°45′S 171°00′E
Monte Hope (L'Antártida) Monte Hope (L'Antártida) (Antártida)
Datos
Altitú	835 m

Descubrimientu

El monte Hope afayóse'l 3 d'avientu de 1908 por Ernest Shackleton y el so grupu espedicionariu, camín al polu Sur mientres la espedición Nimrod. Al xubir a esta llomba'l grupu pudo ver per primer vegada'l glaciar que-yos sirviria de ruta escontra'l Pandu Antárticu y el Polu Sur. Al respeutu Shackleton escribió: «Algamemos la base del monte qu'esperamos poder esguilar pa poder apreciar el tarrén circundante [...] Esguilemos con gran dificultá esta paré, y depués xubimos per una rimada nidia de nieve [...] Dende la cume apréciase una ruta franca escontra'l sur, yá que a partir d'equí estiéndese ente nós un gran glaciar [...] en direición sur que paez fundise cola masa de xelu tierra adientro».

Shackleton llamó a esta llomba «Monte Hope» (n'inglés: Monte Esperanza), pol impautu que tuvo sobre la espedición. El grupu de Shackleton xubió pela ruta del glaciar al pandu, pero entamaron el regresu enantes de llegar al Polu.

Tres años dempués, el grupu del Capitán Scott utilizó esta mesma ruta y los sos miembros llegaron hasta'l Polu, sicasí tolos integrantes del grupu morrieron mientres el viaxe de regresu.

En 1916 l'equipu del mar de Ross allugó nel Monte Hope l'últimu depósitu de cebera pa la marcha trescontinental fallida de Shackleton, parte de la Espedición Imperial Tresantártica.

Bibliografía

• Shackleton, Ernest (1911). The Heart of the Antarctic. Londres: William Heinemann..
• Tyler-Lewis, Kelly (2006). The Lost Men. Londres: Bloomsbury. ISBN 978-0-7475-7972-4..

• Datos: Q3321873