Monte Kilimanjaro

El Kilimanjaro ye un volcán allugáu nel Parque Nacional Kilimanjaro en Tanzania, ye'l cume más altu d'África con 5.895 m d'altor máximu n'Uhuru Peak y ún de los volcanes más altos del mundu.

Monte Kilimanjaro
Kilimanjaro (sw)
macizo (es) , atraición turística y volcán dormido (es)
Situación
País	Tanzania
Rexón	Región de Kilimanjaro (es)
Cordal	Montañas del Rift orientales (es)
Montes	Gran valle del rift
Coordenaes	3°04′00″S 37°21′33″E
Monte Kilimanjaro Monte Kilimanjaro (Tanzania)
Datos
Altitú	5895 m
Prominencia	5895 m
Materiales	riolita (es)

Ye un estratovolcán formáu por tres cráteres con ñeves perpetues, pola mor del glaciar qu'esiste nel so cume. Nos últimos años preocupen muncho l'amenorgamientu aceleráu del grosor y de la superficie del glaciar.

Etimoloxía

L'orixe del so nome nun ye nidiu. Paez remanecer nes pallabres suaḥilis, kilima (monte pequeñu) y njaro (degorriu del frío); o bien de la espresión njaro (caravanes), en referencia a los convois d'esclavos de los vendedores árabes de Zanzíbar, que facíen una posa pa tomar alendu nos paraxes. Dalgunos apunten a la pallabra njare, la fonte de l'agua. Los masai denómenlu cenciellamente Ngage Ngai, ye dicir la 'casa de Dios'.

Xeografía

Alcuéntrase nel marxe oriental del Valle del rift. Amuesa que tuvo muncha actividá volcánica nel Pleistocenu. Nun s'alcuentra aislláu dafechu na llanada africana, ta acompangáu por otros tres conos volcánicos, orientaos nun exe este-suroeste: el más antiguu, Shira, al oeste, con un altor de 3962 m, Mawenzi al este, con un altor de 5149 m y, ente ellos, Kibo, que ye'l más recién y amuesa señales d'actividá, en forma de fumaroles. Ente'l Kibo y el Mawenzi hai una plataforma de cerca de 3600 ha, denomada “la siella” (“the Saddle”, n'inglés, siella de montar) que conforma la mayor área de tundra d'altura n'África.

Ver tamién

• Siete Cumes

Enllaces esternos

• Wikimedia Commons acueye conteníu multimedia sobre Monte Kilimanjaro.

• Datos: Q7296
• Multimedia: Kilimanjaro