Mylene Fernández Pintado
Mylene Fernández Pintado (1963, Pinar del Río) ye una abogada y narradora cubana que llogró dalgunos de los más importantes premios lliterarios que s'otorguen en Cuba, incluyíu'l de la Crítica pola so novela Otras plegarias atendidas.
Mylene Fernández Pintado | |
|---|---|
| Vida | |
| Nacimientu | Pinar del Río, 1963 (60/61 años) |
| Nacionalidá |
 Cuba |
| Oficiu | escritora, abogada |
 | |
Biografía editar
Mylene Fernández Pintado dixo en delles entrevistes que la so vocación lliteraria surdió arriendes de la so maternidá, pos al atopase sola en casa curiando al so fíu pequeñu tenía más tiempu llibre. Un día escuchó nuna emisora de radio la convocatoria del concursu de cuentu La Gaceta de Cuba y decidió escribir el so primer rellatu y unvialo. Anhedonia, el testu en cuestión, mereció una mención del xuráu y foi llargamente publicáu n'antoloxíes. Anhedonia ye tamién el títulu del so primer llibru de cuentos, premiáu col Premiu David de la Unión d'Escritores y Artistes de Cuba. Asina dio entamu la carrera lliteraria de Fernández Pintado que por un bon tiempu compaxinó col so trabayu como asesora llegal nel Institutu Cubanu d'Artes ya Industria Cinematográfica (ICAIC).[1]
N'el so narrativa destácase l'usu d'un llinguaxe llimpiu y direutu y el manexu d'una ironía dacuando un pocu amargosa. Los sos rellatos busquen la complicidá d'un llector sensible ya intelixente y en munchos d'ellos, según na so novela Otres plegaries atendíes. En munches ocasiones autoreferencial, Fernández Pintado tamién reflexó la redolada habanera de finales de los noventa del sieglu pasáu en rellatos qu'apaecieron en diverses publicaciones y antoloxíes en Cuba y l'estranxeru.[2][3]
La so primer novela, Otres Plegaries Atendíes, mereció'l Premiu Italo Calvino (ARCI-UNEAC)en 2002 y darréu el Premiu de la Crítica Lliteraria 2003. Foi publicada en Cuba ya Italia. Trata la tema de la emigración, y ta estremáu en trés partes como un billete d'avión: havana-Miami-Havana, ciudaes nes que se desenvuelve la trama. La tema de la emigración, foi unu de los sos principales argumentos lliterarios, Dalgunos de los sos testos fueron llevaos al cine, radio y la televisión en Cuba y Méxicu.
Obra publicada editar
- Anhedonia. Cuentu. Ediicones UNION 1994 y Ediciones Matanzas 2014
- Otres plegaries atendíes. Novela. Ediciones UNION 2003. Publicada n'italianu como Altre Preghiere esaudite. Marco Tropea Editore Milano, Italia, 2004
- Little woman in bluejeans. Cuentu. Ediciones UNION 2008.
- Infiel y otros cuentos , Cuentu Editorial Campana, New York USA, 2009
- Vivir ensin papeles Cunto. Editorial Oriente, 2010
- La esquina del mundu. Novela. Ediciones Unión. 2011. Kindle Edition. 2012. 142 páxines. Publicada n'inglés como A corner of the World. City Lights Publishers, San Francisco, USA, 2014.
- 4 non blondes.Editorial Oriente, 2013
Antoloxíes nes qu'apaez editar
- Estatues de sal (Cuba, 1996)
- Rumba Senza palma ne careze (Italia, 1996)
- Cuentos habaneros (Méxicu, 1997)
- Cubana (Estaos Xuníos, 1998)
- Nuevos narradores cubanos (España, Francia, Alemaña, 2000)
- Los nuevos caníbales ( Cuba, Puertu Ricu, República Dominicana, 2000)
- Cuentistes cubanes contemporánees (Arxentina, 2001)
- Cuentistes cubanes de güei (Arxentina, 2001)
- Caminos d'Eva (Puertu Ricu, 2002)
- Repulgos na memoria (Cuba, 2003)
- Cuentos infieles (Cuba, 2007)
Premios editar
- Premiu David de cuentu. 1994.
- Premiu de novela ïtalo Calvino. 2002
- Premiu de la crítica. 2003
Referencies editar
- ↑ Hernández Hormilla, Helen Pallabres ensin velu editorial=Caminos, páx. 297. ISBN 978-959-303-070-0.
- ↑ Campuzano, Luisa Les rapaces de L'Habana nun tienen medrana de Dios editorial=Ediciones Unión. ISBN 959-209-605-8.
- ↑ Yáñez, Mirta (2000). «Y entós la muyer de Lot miró... Panorama críticu (1959-1995)», Cuenteros cubanes contemporánees. Biblioteca de testos universitarios, páx. 245. ISBN 978-950-851-050-1.
Datos: Q27119276
