Nekane San Miguel
Miren Nekane San Miguel Bergaretxe (1953, Arrasate), más conocida como Nekane San Miguel, ye una xueza española. Anguaño ye maxistrada de l'Audiencia Provincial de Vizcaya na Sala 4ª de lo Penal.
Nekane San Miguel | |||
|---|---|---|---|
| |||
| Vida | |||
| Nacimientu | Arrasate, 1953 (70/71 años) | ||
| Nacionalidá |
 España | ||
| Estudios | |||
| Estudios | Universidá de Deusto | ||
| Llingües falaes | castellanu | ||
| Oficiu | xueza | ||
 | |||
Biografía editar
Nekane San Miguel llicencióse en Derechu y empezó a trabayar d'abogada en 1976, primero en Éibar y depués en Mondragón. En 1991 empezó a trabayar como xueza,[1] dempués d'aprobar les oposiciónes y pasar pola Escuela Xudicial de Barcelona.
Como xueza tuvo en Galicia y en Tolosa. En 1997 empezó a trabayar nel Xulgáu de lo Penal. Dende l'añu 2000 ye Maxistrada de l'Audiencia Provincial de Vizcaya, na 4ª Sala.[2]
En 2010, taba ente les meyor asitiaes pal relevar a María Victoria Cintu na presidencia y cuntaba col respaldu de la vocal nel Conseyu Xeneral del Poder Xudicial del PNV Margarita Uría.[3]
Collabora con Juezas y xueces pa la Democracia y en munches ponencies.[4]
Euskera editar
Nekane San Miguel trabayó enforma a favor del euskera na Alministración de Xusticia. De les poques sentencies n'euskera, munches son de Nekane San Miguel.[5] Denunció munches vegaes que'l euskera nun progresó na xusticia y qu'hai munches torgues.[6]
Amás participa con dellos medios n'euskera,[7] analizando la situación del euskera y la xusticia.
Conflictos editar
En 2004 la Fiscalía punxo una querella contra los maxistraos Ruth Alonso, Edorta Josu Herrera y Nekane San Miguel, a quien acusó d'incurrir nun delitu de prevaricación, al rebaxar la pena de prisión impuesta a un maltratador a una multa, al nun aplicar la última reforma llegal acometida en setiembre de 2003.[8]
Dende Juezas y xueces pa la Democracia n'Euskadi aseguróse que'l fiscal tendría que presentar un recursu d'amparu y que, al marxe del error, qu'esistió, había un intentu de "persecución" contra los trés maxistraos. Diverses personalidaes polítiques, ente elles Rafa Larreina d'Eusko Alkartasuna, criticaron a la Fiscalía y denunciaron qu'había un intentu d'establecer el pensamientu únicu, tamién nel mundu de la Judicatura, lo que calificaron de bien peligrosu.[9]
El sindicatu ERNE tamién criticó a San Miguel cuando citó como testigos a dellos ertzainas en vacaciones. Nekane San Miguel defendía que decidir sobre la llibertá provisional d'una persona yera una cuestión más importante, lo que foi sofitáu por Juezas y xueces pa la Democracia.[10]
Publicaciones editar
- Cárcel y Derechos Humanos, 2003, Tercer Prensa Editorial S.A., ISBN 9788487303630.[11]
Referencies editar
- ↑ «Nekane San Miguel: "Orain guztion ahotan dabilena aspaldi salatu genuen, baina ia inori ez zitzaion interesatu"» (eusquera). Consultáu'l 3 d'avientu de 2017.
- ↑ «Nekane San Miguel: "Gaur egun, lehenago salatzen da indarkeria matxista"» (eusquera). HABE Ikasbil. Consultáu'l 3 d'avientu de 2017.
- ↑ «Nekane San Miguel, ente les meyor asitiaes pal relevu» (9 d'ochobre de 2010). Consultáu'l 3 d'avientu de 2017.
- ↑ Juezas y xueces pa la Democracia (17 de marzu de 2016). «Boletín de Violencia de Xéneru, núm. 2, 2016». Consultáu'l 3 d'avientu de 2017.
- ↑ «Sentencia del 25 d'ochobre de 2001» (eusquera).
- ↑ (n'eusquera) 'Epaitegietan ez du aurrera egin euskararen erabilerak'. Argia. 28 de febreru de 2010. http://www.argia.eus/argia-astekaria/2220/nekane-san-miguel. Consultáu'l 3 d'avientu de 2017.
- ↑ «Nekane San Miguel» (eusquera). Consultáu'l 3 d'avientu de 2017.
- ↑ SER, Cadena (10 de marzu de 2004). Xueces pa la Democracia denuncia "persecución" a la xuez Alonso. Cadena SER. http://cadenaser.com/ser/2004/03/10/espana/1078879811_850215.html. Consultáu'l 3 d'avientu de 2017.
- ↑ Rafa Larreina (10 de marzu de 2004). «querella-de-la-fiscalia-contra-alonso-ferrera-y-san-miguel-%C2%B4respuende-a-un-espiritu-de-vengación%C2%B4 EA diz que la querella de la Fiscalía contra Alonso, Herrera y San Miguel ´respuende a un espíritu de vengación´». Consultáu'l 3 d'avientu de 2017.
- ↑ Xueces pa la Democracia defende les citaciones de ‘ertzainas’ en vacaciones. El País. 18 de xunetu de 2013. https://elpais.com/ccaa/2013/07/18/paisvasco/1374145422_254810.html. Consultáu'l 3 d'avientu de 2017.
- ↑ «CARCEL Y DERECHOS HUMANOS». Consultáu'l 3 d'avientu de 2017.
Enllaces esternos editar
Datos: Q44573430
