Nevbosh

El «nevbosh» (lliteralmente, ‘nuevu disparate’) foi'l primer idioma construyíu al que J. R. R. Tolkien contribuyó, xunto cola so prima Mary Incledon, dempués de que Marjorie, la hermana d'esta, perdiera l'interés poles llingües construyíes tres el so xuegu col animálico.

Nevbosh Nevbosh
Falantes	Llingua muerta
Familia	Llingua artificial
Estatus oficial
Oficial en	Nengún país
Reguláu por	Nun ta reguláu
Códigos
ISO 639-1	nengún
ISO 639-2	art
ISO 639-3

Acordies con Humphrey Carpenter, Tolkien y Mary «collaboraron pa inventar [esti] nuevu y más sofisticáu idioma». Sicasí, esta nun ye la hestoria contada por Tolkien, quien almitió que la so participación na construcción del nevbosh foi más humilde: a cencielles contribuyó col vocabulariu ya influyó na escritura.

Sía que non, el nevbosh foi'l primer idioma inventáu relativamente sofisticáu qu'entró en contautu con Tolkien, anque él empezara la so invención por sigo mesmu: «Yo yera más antiguu nel viciu secretu... que la organizadora del nevbosh».

L'únicu testu en nevbosh que sobrevive, ensin cuntar unes poques pallabres aisllaes mentaes por Tolkien, ye'l siguiente poema:

Dar fys ma vel gom co palt 'hoc
pys go iskili far maino woc?
Pro si go fys do roc de
Do cat ym maino bocte
De volt fac soc ma taimful gyróc!'

Había un home vieyu que dicía: «¿Cómo
podría llevame la mio vaca?
Yá que si tengo que pidi-y
qu'ente nel mio bolsu,
¡provocaría un espantible aurio!».

Tolkien consideraba al nevbosh más como un códigu que como un idioma: «Lo qu'atopamos más interesante foi que nun yeren simples aburuyes de pallabres esistentes, tales como «iskili» ('posiblemente') o «lint» ('rápido'). La fusión de soníos y significaos d'una forma qu'a cencielles «prestaba» al inventor yera'l principiu sobre'l que construyiría los sos propios idiomes, que'l so exemplu más antiguu calteníu ye'l naffarin.

Ver tamién

• «Animálico»
• «Naffarin»

Referencies

Bibliografía

• Plantía:Cita Tolkien/B
• Plantía:Cita Tolkien/Lmylc

• Datos: Q81792