Nippon Kempo
El Nippon Kempo o Nihon Kempo (日本拳法) ye un arte marcial xaponés centráu en combates a contautu plenu nos que los prauticantes lleven un equipu proteutor diseñáu al efeutu (bogu kumite) y empleguen una gran variedá de téuniques. En Xapón llámenlu a vegaes de forma acurtiada "Nikken".
| Tamién | Nihon Kempo, Nippon Kenpo |
|---|---|
| Enfoque | Téunica híbrida (golpes de puñu y pie, llaves, valtos) |
| Contautu/durez | Contautu plenu |
| País d'orixe |
 Xapón |
| Fundador | Masaru Sawayama |
| Fecha de fundación | 1932 |
| Deporte olímpicu | Non |
 | |
Carauterístiques editar
El Nippon Kempo desendolcólu en 1932 Masaru Sawayama (1906-1977), dándo-y la mesma importancia a les téuniques de golpiar usando manes y pies, a les d'inmovilización y control, y a les proyeiciones y valtos. El Nippon Kempo ye un arte defensivu que nun llenda a los estudiantes en cuantes a metodoloxía.
Dende un puntu de vista téunicu, el Nippon Kempo ye un sistema d'artes marciales basáu en téuniques de golpes y pataes (atemi-waza), bloqueos (uke-waza), proyeiciones (nage-waza), llaves de torcimientu articular (kansetsu-gyakutori-waza) y combate en suelu (ne-waza). Utiliza téuniques derivaes d'otres artes como’l yudu, jujutsu, aikido, kárate, kung fu, boxéu y llucha.
Los prauticantes faen combate y prautiquen estes téuniques protexíos por un equipamientu acionáu, darréu que l'arte prautícase a contautu plenu; poro, úsense men (cascu), do (petu), kurobu (guantes), y mate ate (proteutor xenital). Ta permitío “garrar” un puñetazu o una patada, o facer una llave sobre una articulación, y golpiar con rodiyes y coldos al cuerpu o a la cara tamién suma puntos. Al favorecese les téuniques a nivel altu, la práutica de tentar puntuar aína con un puñetazu al men ye normal, polo que los prauticantes busquen aprender y desarrollar movimientos de cabeza y cuerpu pa evitar, esviar o contratacar munches combinaciones de pataes y puñetazos.
En Xapón el Nippon Kempo prautícase en más de cien universidaes, y ye parte del entrenamientu de manches fuercies policiales.
Referencies editar
Enllaces esternos editar
- Nippon Kempo Kyokai
- Nippon Kempo
- Nippon Kempo Renmei
- Nippon Kempo Méxicu
- Federación Mexicana de Nippon Kempo
- Asociación Francesa de Nippon Kempo
- Federación Americana de Nippon Kempo
Datos: Q429763
Multimedia: Nippon Kempō
