Nikolai Frederik Severin Grundtvig

Nikolaj Frederik Severin Grundtvig (8 de setiembre de 1783 – 2 de setiembre de 1872), de cutiu mentáu como N. F. S. Grundtvig, foi un maestru, escritor, poeta, filósofu, historiador, pastor, y políticu danés. Ye consideráu una de les persones más influyentes de la hestoria danesa, la so filosofía dio orixe a un nuevu tipu de nacionalismu en Dinamarca na segunda metá del sieglu XIX. Casóse trés vegaes la postrera a los 66 años d'edá. Considérase'l padre ideolóxicu de les Universidaes Populares. Dáse-y creitu a Grundtvig y los sos siguidores, los Grundtvigianos, por exercer una gran influencia na formación d'una conciencia nacional danesa moderna. La so actitú queda bien espresada na bien distinta actitú con que la sociedá danesa tomó la derrota nacional na Guerra de los Ducaos en 1864 contra Prusia comparada col trauma nacional que siguió a la derrota énte Alemaña mientres la Primer Guerra Mundial.

Nikolai Frederik Severin Grundtvig
member of the Danish Landsting (en) 23 xunu 1866 - 18 ochobre 1866 parlamentario de Dinamarca (es) 21 xunu 1855 - 14 xunu 1858 parlamentario de Dinamarca (es) 2 xunu 1854 - 14 xunu 1855 parlamentario de Dinamarca (es) 26 febreru 1853 - 27 mayu 1853 parlamentario de Dinamarca (es) 4 avientu 1848 - 4 agostu 1852 miembro de la Asamblea Constituyente danesa (es) 6 payares 1848 - 5 xunu 1849 ← Hans Hansen
Vida
Nacimientu	Udby (en) , 8 de setiembre de 1783
Nacionalidá	Reinu de Dinamarca
Muerte	Copenḥague, 2 de setiembre de 1872 (88 años)
Sepultura	Q110304837
Familia
Casáu con	Elisabeth Christina Margrethe Blicher (1818 – m. 1851) Marie Toft (es) (1851 – m. 1854) Asta Grundtvig (1858 – 1872)
Fíos/es	Svend Grundtvig Johan Grundtvig Asta Marie Elisabeth Frijs Grundtvig (es) Frederik Lange Grundtvig Meta Grundtvig
Hermanos/es	Otto Grundtvig
Familia	ver Henrich Steffens (es) (primo hermano (es) )
Estudios
Estudios	Universidá de Copenḥague Aarhus Katedralskole (en)
Llingües falaes	danés
Oficiu	poeta, historiador, filósofu, teólogu, escritor, escritor d'himnos, pastor, políticu, obispo titular (es) , filólogu
Trabayos destacaos	Hil dig, frelser og forsoner (es)
Premios	ver caballero de la Orden de Dannebrog  (1840)
Seudónimos	N.F.S. Grundtvig
Creencies
Relixón	luteranismu
IMDb	nm5437953

Biografía

N. F. S. Grundtvig llamáu polos sos más allegaos Frederik en llugar de Nikolaj, foi'l fíu del pastor luteranu, Johan Ottosen Grundtvig. Educóse nuna atmósfera bien relixosa, anque la so madre tamién tenía gran respetu por vieyes lleendes y tradiciones nórdiques. Frederik foi educáu na tradición de la ilustración europea, pero la so fe na razón foi solmenada pol romanticismu alemán y la hestoria de los países nórdicos.

En 1791 foi unviáu a vivir a la casa del pastor Laurids Feld en Xutlandia, y estudió na escuela de la catedral d'Aarhus dende 1798 hasta la so graduación en 1800 cuando parte para Copenḥague a estudiar teoloxía, siendo aceptáu na Universidá de Copenhague en 1801. Al rematar la so formación universitaria empezó a estudiar islandés y les Sagues islandeses, hasta qu'en 1805 foi contratáu como tutor nuna casa na isla de Langeland. Mientres los próximos trés años estudió a Shakespeare, Schiller, Schelling y Fichte. El so primu, el filósofu Henrich Steffens, tornara a Copenhague en 1802 trescaláu de les enseñances de Schelling y de la poesía d'Adam Oehlenschläger, lo cual espunxo a Grundtvig a la nueva era de la lliteratura. El so primer trabayu, Sobro los cantares nel Edda, nun mereció nenguna atención.