Nina Bari
Nina Karlovna Bari, en rusu: Нина Карловна Бари, (19 de payares de 1901, Moscú – 15 de xunetu de 1961, Moscú) yera una matemática soviética conocida pol so trabayu sobre series trigonométriques.[7][8]
Nina Bari | |
|---|---|
 | |
| Vida | |
| Nacimientu | Moscú[1], 19 de payares de 1901[2] |
| Nacionalidá |
 Xunión Soviética |
| Llingua materna | rusu |
| Muerte | Moscú[1], 15 de xunetu de 1961[3] (59 años) |
| Sepultura | cementeriu Vvedenskoye[4] |
| Causa de la muerte |
atropellamiento (es)  |
| Familia | |
| Casada con |
Viktor Vladimirovich Nemytskii (es) [5] |
| Estudios | |
| Estudios | Universidá Estatal de Moscú |
| Nivel d'estudios | doctor en ciencies físiques y matemátiques |
| Tesis | О единственности тригонометрических разложений |
| Direutor de tesis |
Nikolái Luzin (es) |
| Direutora de tesis de |
Sergey Yablonsky (es) Vladimir Koxlov (es) Petr Lavrentyevich Ulyanov (es) Rafail Samoilovich Guter (en) Zoya Nikolaevna Kazhdan (es) Yurii Aleksandrovich Kazmin (en) Klara Volfovna Temko (en) |
| Llingües falaes | rusu[6] |
| Profesora de |
Petr Lavrentyevich Ulyanov (es) Vladimir Koxlov (es) |
| Oficiu | matemática, profesora universitaria |
| Emplegadores | Universidá Estatal de Moscú |
 | |
Educación y mocedá editar
Nina Bari nació en Rusia el 19 de payares de 1901, foi fía d'Olga Eduardovna Seligs y del físicu Karl Adolfovich Bari. En 1918, convirtióse nuna de les primeres muyeres en ser aceutada nel Departamentu de Física y Matemática de la prestixosa Universidá Estatal de Moscú. Graduóse en 1921 (xustu trés años dempués d'ingresar na universidá). Dempués de la so graduación, Bari empezó la so carrera na enseñanza. Foi profesora nel Institutu Forestal de Moscú, nel Institutu Politéunicu de Moscú, y nel Institutu Comunista Sverdlov. Bari solicitó y recibió la única beca d'investigación remunerada nel acabante crear Institutu d'Investigación de Matemática y Mecánica . Ellí, como estudiante, Bari xunióse a un grupu d'élite llamáu'l Luzitania—una organización académica informal y social. Estudió funciones y series trigonométriques baxu la tutela de Nikolai Luzin, destacó llueu nesti campu y convirtióse nuna les sos alumnes estrella.[7][8] Presentó los resultaos de les sos investigaciones na Sociedá Matemática de Moscú en 1922 (foi la primer muyer n'esponer énte dicha sociedá).[9]
En 1926, Bari completó la so tesis doctoral con una investigación sobre les espansiones trigonométriques, lo que-y valió'l Premiu Glavnauk.[8][10][7][8] En 1927, Bari viaxó a París col fin d'estudiar na Sorbona y nel College de France. Darréu Bari asistió al Congresu Matemáticu polacu en Lwów, Polonia, au llogró financiamientu pa sufragar el so regresu a París y la continuación de los sos estudios. La decisión de viaxar a París podría habese visto influyida pola desintegración del grupu Luzitanians. La irascible personalidá de Luzin enzancaría les rellaciones nel grupu de matemáticos que lu componíen. En 1930, tolos rastros del movimientu Luzitania sumieren, y Luzin dexara la Universidá Estatal de Moscú pola Academia de la ciencia del Institutu de Matemátiques Steklov. En 1932, Bari llogra ser profesora na Universidá Estatal de Moscú y en 1935 concédese-y el títulu de Doctora en Ciencies Físiques y Matemátiques, un títulu d'investigación más prestixosu que'l tradicional Ph.D. Naquel momentu, Bari yá completara'l so trabayu fundacional sobre series trigonométriques.[8][7][8]
Carrera y vida madura editar
Bari foi una collaboradora cercana de Dmitrii Menshov nun gran númberu de proyeutos d'investigación.[8] Mientres la década de 1940 ella y Menshov trabayaron nel estudiu de la teoría de funciones na universidá Moscú State. En 1952, espublizó un importante estudiu sobre les funciones primitives y les series trigonométriques demostrando la so cuasi converxencia universal. Bari presentó diverses ponencies nos congresos de "Third All-Union" de 1956 en Moscú y nel Congresu Internacional de Matemáticos n'Edimburgu en 1958.[9]
Les matemátiques yeren el centru de la vida intelectual de Bari, sicasí los sos intereses yeren más amplios esfrutando tamién de la lliteratura y de les artes. Foi una entusiasta del monañismu y viaxó polos cordales d'El Cáucasu, Altai, Lamir y Tian Shan en Rusia. Bari compartía esti interés col so home, el tamién matemáticu soviéticu Viktor Vladimirovich Nemytskii, profesor na Universidá Estatal de Moscú y un vidueñu esplorador de monte. Nun se dispón de documentación sobre'l so matrimoniu, pero los sos contemporáneos creíen que se casara dos vegaes. L'últimu trabayu de Bari (la so 55ª publicación) yera una monografía de 900 páxines sobre estáu del arte de la teoría de les series trigonométriques, que foi consideráu na dómina como l'estudiu de referencia de la teoría de funciones trigonométriques.[9]
El 12 de xunetu de 1961, Bari morrió al cayer delantre d'un tren nel metru de Moscú.[8]
Referencies editar
- ↑ 1,0 1,1 Sección, versículu o párrafu: Бари Нина Карловна. Afirmao en: Gran Enciclopedia Soviética (1969–1978). Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
- ↑ Afirmao en: MacTutor History of Mathematics archive. Data de consulta: 22 agostu 2017.
- ↑ Sección, versículu o párrafu: Бари Нина Карловна. Afirmao en: Gran Enciclopedia Soviética (1969–1978). Data de consulta: 27 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
- ↑ Afirmao en: Find a Grave. Llingua de la obra o nome: inglés.
- ↑ Afirmao en: MacTutor History of Mathematics archive.
- ↑ «idRef» (francés). Agencia Bibliográfica de Enseñanza Superior. Consultáu'l 22 mayu 2020.
- ↑ 7,0 7,1 7,2 7,3 Biografía de Nina Karlovna Bari
- ↑ 8,0 8,1 8,2 8,3 8,4 8,5 8,6 8,7 Nina Bari
- ↑ 9,0 9,1 9,2 'Notable women scientists.
- ↑ Nina Bari
Datos: Q32399
