Nora Castañeda
Nora Castañeda (12 de xunu de 1942, Caraques – 16 de mayu de 2015, Caraques) foi una economista, política, docente universitaria y destacada activista feminista venezolana. Foi la primer presidenta del Bancu de desenvolvimientu de la muyer (Banmujer).[1]
Nora Castañeda | |
|---|---|
| Vida | |
| Nacimientu | Caraques, 12 de xunu de 1942 |
| Nacionalidá |
 Venezuela |
| Muerte | Caraques, 16 de mayu de 2015 (72 años) |
| Oficiu | economista, activista, profesora, política |
| Emplegadores | Universidá Central de Venezuela |
 | |
Biografía
editarFía d'una madre soltera, dende bien pequeña, Nora Castañeda tuvo que curiar de los sos hermanos más pequeños.
Casada, madre de trés fíos varones y una muyer. Llicenciada en Ciencies económiques y con posgráu en alministración pública y desenvolvimientu económicu, foi profesora d'economía na Universidá Central de Venezuela dende más de 30 años, onde fundó la Cátedra de la Muyer.[2]
Ámbitu políticu
editarMilitante del movimento feminista dende la so mocedá, y como coordinadora de les organizaciones non gubernamentales, xugó un papel importante nel procesu constituyente que dio llugar a la Constitución venezolana de 1999.
Mientres duró la tramitación parllamentaria de la nueva Constitución, les organizaciones feministes concentráronse diariamente ante l'Asamblea Nacional Constituyente apurriendo propuestes pa la so inclusión nel nuevu testu (redaición en llinguaxe non sexista, garantía d'una educación pública pa la igualdá y non sexista, principiu d'igualdá nel accesu al trabayu de les muyeres y nel exerciciu de tolos derechos constitucionales, reconocencia del calter de l'actividá económica del trabayu de les maestres de casa y derechu a la cotización a la seguridá social de les mesmes, o la prioridá de les madres xefes de familia nos programes sociales gubernamentales). El movimientu consiguió que los sos principales propuestes fueren incorporaes al testu de la nueva Constitución, que dio orixe a la Quinta República y a la Revolución bolivariana.
Presidenta de Banmujer
editarFrutu de la reconocencia constitucional, el 15 de xineru de 2001, el presidente Hugo Chávez, anunció públicamente la creación del Bancu de Desenvolvimientu de la Muyer (Banmujer), y el 8 de marzu d'esi añu, coincidiendo col Día Internacional de la Muyer, nomó a Castañeda como presidenta de la entidá. Coles mesmes, aprobóse la Llei de Microfinanzas que da cobertoria, ente otros, a la nueva institución.
Primeramente, dende'l Bancu del Pueblu Soberanu, l'executivu venezolanu yá impulsara llinies preferenciales pa les muyeres, d'acordies col oxetivu espresáu de potenciar la llamada banca social.
Dende la presidencia de Banmujer, Nora Castañeda impulsó un ambiciosu programa de microcreitos destinaos principalmente a les madres que son xefes de familia. Ufierta tamién servicios non financieros, especialmente asesoramientu téunicu y capacitación en rellación a los proyeutos que les muyeres quieren implementar colos creitos llograos. Priorízase coles mesmes les solicitúes formulaes conxuntamente por delles usuaries y los proyeutos empobinaos a la creación de cooperatives.
Referencies
editar- ↑ L'Universal. «Oficialismo llamentó fallecimientu de Nora Castañeda». Consultáu'l 19 de mayu de 2015.
- ↑ Paget-Clarke, Nic (7 de setiembre de 2004). «Interview with Nora Castañeda of (Venezuela's) Womens Development Bank» (inglés). In Motion Magacín.
Enllaces esternos
editar
Datos: Q9359695
