Nordland
Nordland ye una provincia (fylke singular, fylker plural) de Noruega, con 38 327 km² de superficie y 241 682 habitantes según el censu de 2015.[1] Esta provincia tien fronteres con Troms y Nord-Trøndelag. La so capital ye Bodø.
| Nordland | |||||
|---|---|---|---|---|---|
 | |||||
| |||||
| Alministración | |||||
| País |  Noruega | ||||
| ISO 3166-2 | NO-18 | ||||
| Tipu d'entidá | condáu de Noruega | ||||
| Capital | Bodø | ||||
County mayor of Nordland (en)  |
Kari Anne Bøkestad Andreassen (es) (Partido de Centro (es) ) | ||||
| Nome oficial | Nordlándda fylka (se) | ||||
| Nome llocal | Nordlándda fylka (se) | ||||
| División |
ver
| ||||
| Xeografía | |||||
| Coordenaes | 67°N 15°E / 67°N 15°E | ||||
 | |||||
| Superficie | 38154.6 km² | ||||
| Llenda con | Troms, Nord-Trøndelag, Trøndelag, Troms og Finnmark, Provincia de Norrbotten y Provincia de Västerbotten | ||||
| Demografía | |||||
| Población | 243 385 hab. (1r xineru 2019) | ||||
| Densidá | 6,38 hab/km² | ||||
| Más información | |||||
| Estaya horaria | UTC+01:00 | ||||
| nfk.no | |||||
 | |||||
.svg)
Xeografía editar
Nordland alcontrase na mariña noroccidental de la península escandinava. Estiéndese a lo llargo de 500 km dende Sor-Trondelag hasta Troms. La provincia tien una mariña bien accidentada, con numberosos fiordos, siendo los principales, de sur a norte: Bindalsfjord, Vefsnfjord, Ranfjord, Saltenfjord-Skjerstadfjord, Folda, Tysfjord, Ofotfjord (el mayor de toos) y Andfjord; esti postreru compartíu cola provincia de Troms. El Vestfjord nun ye un fiordu nel sentíu estrictu de la pallabra, sinón una badea ente les islles Lofoten y Vesterålen. El Rafsund, cola so ramificación el Triollfjord, ye la parte más estrecha d'agua que coneuta Lofoten col continente.
Un paisaxe típico de la mariña de Nordland son los serrapatosos montes cerca del mar y les tierres llanes ente aquelles y el mar, llamaes en noruegu Strandflaten (llanures costeres). Esti paisaxe munches vegaes enlardase más allá del continente, en numberoses islles, como los miles que se topen el distritu de Helgeland; estes islles xeneralmente son montascoses, con llanures costeres de tamañu variable. Hinnøyá, la mayor islla noruega ensin cuntar Svalbard, pertenez na so porción meridional a Nordland. La segunda mayor islla de la provincia ye Langøyá. Nos fiordos, los valles costeros tán abondo menos desenvueltos: hai una rimada que se fai mayor escontra los montes, y delles llombes, o puede nun haber valle dalgunu. Con frecuencia, hai valles na porción del fiordu más tierra adientro, xeneralmente con un ríu que traviesa'l valle. Les llocalidaes de Mo i Rana, Mosjøen y Rognan tán alcontraos en dichos valles.
Nordland tien el segundu mayor glaciar de Noruega, el Svartisen; el segundu llagu más grande, el Røssvatnet, y el segundu fiordu más fondu, el Tysfjord (897 m). El ríu más llargu de la provincia ye'l Vefsna, que forma la cascada de Laksforsen. el cordal de Saltfjellet forma una frontera natural ente los distritos tradicionales de Salten y Helgeland, y ye el llugar onde'l círculu polar árticu traviesa la provincia. La parte occidental d'esti cordal ta apoderada per montes bien serrapatoses y por entraes de fiordos, con glaciares que s'estienden escontra la mariña, ente que la porción oriental de los montes ye más nidiu y arrondada, con dellos valles montiegos.
L'interior de Nordland, escontra la frontera con Suecia, ta apoderáu pelos Alpes escandinavos. El monte más altu de la provincia ye Oksskolten (1 915 m), nel cordal de Okstindan. El segundu más eleváu ye Suliskongen (1 907 m) y el terceru Storsteinfjellet (1 894).
Hai numberosos glaciares nos montes, como por casu Blåmannsisen, Okstindbreen, Sulitjelmaisen y Frostisen. Siete de los mayores 15 glaciares de la Noruega continental alcontranse en Nordland.
