Obscured by Clouds
Obscured by Clouds ye'l séptimu álbum d'estudiu de la banda británica Pink Floyd. Esti discu foi concebíu como Banda sonora pa la película francesa El valle, dirixida por Barbet Schroeder. Ye'l segundu proyeutu d'esti tipu, depués de Music from the Film More, que sirvió pa la tamién película de Schroeder, More, de 1969. Esti discu nun sigue la llinia musical que la banda traía hasta'l momentu, pero ayudó enforma al ésitu n'Estaos Xuníos al enfocar bona parte de la xira pre-Dark Side of the Moon.
| Obscured by Clouds | |
|---|---|
| Datos | |
| Tipu |
banda sonora (es)  |
| Distribución |
discu de vinilu y streaming de música (es) |
| Álbum |
Pink Floyd's albums in chronological order (en) , Pink Floyd soundtrack albums discography (en) , Pink Floyd studio albums discography (en) y The First XI |
| Intérprete | Pink Floyd |
| Idioma | inglés |
| Xéneru |
rock progresivu y teatro y cine (es) |
| Sellu discográficu |
Harvest Records (es) |
| Productor | Pink Floyd |
| Fecha publicación | 3 xunu 1972 |
| Duración | 2430 segundos |
| Núm. cantares |
10 pista musical (es) |
 | |
Contestu editar
El procesu d'organización foi'l mesmu que col so anterior proyeutu de banda sonora More, Schroeder dio-yos una edición final de la película, esplicó la temática ya indicólos ónde diría la música. L'estudiu de grabación cuntaba con 16 pistes, lo que Pink Floyd aprovechó pa esperimentar con idees musicales y téuniques de grabación. Esta esperimentación empecipiara mientres l'anterior discu de la banda, Meddle, y terminó desaguando nel siguiente trabayu de Pink Floyd, The Dark Side of The Moon. El discu foi compuestu y grabáu en tan solu dos selmanes, en Francia
Esti discu ye un puntu d'inflexón na carrera de Pink Floyd. Na tema "Wot's... Uh The Deal" (¿Qué ye...? ah, El Negociu) tócase la tema de que la banda taba creciendo, camudando les sos actitúes escontra'l negociu de la música, ellos yá yeren homes de familia. Al traviés d'estos aspeutos del discu pueden vese los raigaños del so siguiente discu Dark Side Of The Moon.
"Free Four", únicu senciellu llanzáu, ye'l primer cantar qu'enfoca la tema de la muerte del padre de Roger Waters, Eric Fletcher Waters.[1][2] La tema "Obscured By Clouds", que da nome al álbum, foi usualmente utilizáu pa empezar conciertos. Dizse que'l cantar "Childhood's End" foi inspirada pola novela d'Arthur C. Clarke de mesmu nome. Amás tien dos primeros temes roblaes en xunto por Wright y Waters, siendo'l terceru la mítica pieza "Us & Them". En toos eses temes Wright ye'l compositor y Waters el lletrista. La última tema del discu, "Absolutely Curtains", puede escuchase unos coros cantaos pola tribu Mapuga, de Nueva Guinea
La tapa del discu amuesa una escena de la película, d'unu de los protagonistes sobre un árbol, con un efeutu paecíu al que se produz al mirar al sol dende un monte.
Grabación y edición editar
El discu foi grabáu ente'l 23 y 29 de febreru, y 22 y 27 de marzu de 1972 nos estudios Chateau d'Herouville, Francia. Foi editáu en LP el 3 de xunu de 1972 en Reinu Xuníu, al traviés de Harvest/EMI; y el 15 de xunu n'Estaos Xuníos al traviés de Harvest/Capitol. Algamó'l #6 nes llistes de Reinu Xuníu, y el #46 nes llistes d'Estaos Xuníos.[3][4] Foi certificáu discu d'oru en 1997.[5]
En 1986, l'álbum foi editáu en discu compactu. Una versión digitalmente remasterizada #editar en marzu de 1996 en Reinu Xuníu, y n'agostu n'Estaos Xuníos.
Llista de cantares editar
Creitos editar
Músicos editar
- Roger Waters - Baxu, voz.
- David Gilmour - Guitarra, voz.
- Richard Wright - Teclaos, voz.
- Nick Mason - Batería, percusión.
Otros creitos:
- Tribu Mapuga de Nueva Guinea (grabáu en vivu) - coros a la fin de "Absolutely Curtains".
Producción editar
- Producción artística: Pink Floyd.
- Arte de tapa: Hipgnosis.
Ver tamién editar
- Pink Floyd
- Álbumes de Pink Floyd
Referencies editar
- ↑ Song review en Allmusic (en inglés)
- ↑ Manning, Toby (2006). The Rough Guide to Pink Floyd, 1st, Rough Guides, páx. 165. ISBN 1-84353-575-0.
- ↑ «Chart Stats - Pink Floyd - Obscured By Clouds». www.chartstats.com. Archiváu dende l'orixinal, el 19 de xineru de 2013.
- ↑ Billboard chart peak position en Allmusic (en inglés)
- ↑ «Record Research (advertisement)». Billboard magazine (15 de marzu de 1997).
Enllaces esternos editar
- Páxina oficial del grupu (n'inglés)
- Pink Floyd (n'inglés)
- Cites ya intereses del discu (n'inglés)
Datos: Q210140
