Olympus E-1

Olympus E-1
Versión inicial	2003
Tipu	modelu de cámara dixital

La Olympus E-1 ye una cámara de fotos SLR dixital de 5 megapíxeles fabricada por Olympus que foi presentada en 2003. Foi la primera DSLR diseñada dende cero pa la fotografía dixital. Esto oldea coles sos competidores qu'ufierten sistemes basaos en partes reutilizaes de sistemes anteriores de 35mm modificaos pa funcionar con sensores dixitales del tipu APS-C.

L'apaición de la E-1 motivó'l resurdimientu de la marca de lentes Zuiko, filial de Olympus, col desenvolvimientu d'un nuevu rangu de lentes denomináu Zuiko Dixital pal sistema Cuatro Tercios. La E-1 vendiose en principiu xunto al zoom Zuiko Dixital 14-54mm 1:2.8-3.5.

Primeramente Olympus regalaba adaptadores pa poder usar lentes OM na nueva montadura Cuatro Tercios. Esti adaptador dexa qu'un gran númberu de lentes OM puedan ser usaes coles nueves réflex dixitales Olympus. L'adaptador dexó de ser apurríu de forma gratuita, pero entá ye posible mercalo por separáu.

La E-1 foi sustituyida pola E-3, un modelu similar con previsualización LiveView y estabilización integrada, n'ochobre de 2007.

Carauterístiques

Usa una montadura y un sensor Cuatro Tercios. Esti diseñu utiliza un sensor CCD más pequeñu qu'un negativu de 35mm, por tantu los cuerpos y les lentes tamién pueden ser más pequeños y llixeros.

Más llixera y amacera qu'otres cámares de formatu completu.
Sensor CCD de 5 megapixels.
Bon rangu dinámicu y esposición.
Cuerpu d'aleación de Magnesiu.
Sellada contra los elementos (Splash-proof y Dust-proof).
Un filtru d'ondes supersóniques ("Supersonic Wave Filter") llimpia'l CCD en cada encendíu.
Conectividad dual, USB y Firewire.
Disparu en rabasera de 3 fotogrames/s hasta un máximu de 12.
Balance de blancos híbridu (nel esterior de la cámara y usando'l CCD).
Firmware actualizable pol usuariu.

Dacuando apréciense puntos brillosos nes esposiciones llargues (de más d'un par de segundos). Esto ye conocíu como ruiu de llarga esposición. Activando la manera d'amenorgamientu de ruiu (que non filtru de ruiu), la E-1 va faer una substración dende un frame en negru col mesmu tiempu d'esposición que la imaxe pa esaniciar esos puntos brillosos, esto implica que'l tiempu d'esposición dóblase, pero'l sistema ye abondo eficiente.

Referencies

Enllaces esternos

Analís en Quesabesde.com