Orquesta de Cámara de Siero
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Orquesta de Cámara de Siero, tamién conocida como OCAS, ye una agrupación musical basada na villa asturiana de La Pola Siero.
| Orquesta de Cámara de Siero | |
|---|---|
orquesta de cámara (es)  | |
 | |
| Llocalización | |
| Sede | La Pola Siero |
| Direición | España |
| Historia | |
| Fundación | 2002 |
| Web oficial | |
 | |
Historia
editarIntegrada por más de 40 nuevos instrumentistes de dilatada esperiencia concertística, la Orquesta de Cámara de Siero empecipió los sos ensayos en xineru de 2002, actuando a finales d'esi mesmu añu na sede central de Naciones Xuníes en Nueva York.
Nestos años llevó a cabu numberosos estrenos, especialmente de música didáctica o pa espectáculos familiares de Flores Chaviano, Juan Méndez, Javier Blanco, Andreas Prittwitz, Luis Barroso y Alberto Lozano. Realizó un gran númberu de conciertos didácticos, munchos d'ellos presentaos por Fernando Argenta. El polifacéticu músicu Andreas Prittwitz actúa davezu cola OCAS, yá sía con preseos antiguos o con repertoriu jazzístico variáu, estrenando conxuntamente la so "Fantasía Asturiana" pa saxos y orquesta. Amás actuaron como solistes de la OCAS los violinistes Mauro Rossi y Joan Espina, el tenor Joaquín Pixán o la sopranu María Espada.
Grabó para TVE dos programes de “El Conciertazo” y en 2013 un programa de “Pizzicato” actuando como solista Ara Malikian. En 2007 edita el so primera CD dedicáu íntegramente a la música orquestal de Flores Chaviano rellacionada con Asturies y qu'inclúi la grabación de NiFe, réquiem mineru.
En xineru de 2013 la OCAS ufiertó'l prestixosu Conciertu d'Añu Nuevu del Teatru Xovellanos de Xixón, llogrando un gran ésitu de crítica y públicu. Nesi mesmu añu recibió'l Premiu SERONDAYA de les artes 2013 y el Premiu al MEYOR GRUPU DEL AÑU de la RTPA 2013, Radio Televisión del Principáu d'Asturies.
En Marzu de 2013, nel marcu del 50 aniversariu de Medicus Mundi realizó y coordinó un conciertu sinfónicu coles actuaciones de Miguel Ríos y Víctor Manuel. Con Victor Manuel grábase darréu un programa pa la Televisión del Principáu d'Asturies.
Proyeutu Venceyos
editarCon esi nome y dende 2005 la OCAS realiza un proyeutu de cooperación educativa, social y cultural. Conciertos didácticos, pa población desfavorecía y en centros sanitarios infantiles, clases pa mozos músicos y donación de preseos, son les actividaes que se desenvuelven. Fasta'l momentu Venceyos tuvo en Bolivia, nuna favela de Rio de Janeiro, delles ciudaes d'Hondures y Guatemala, bien diverses zones de Marruecos, na práutica totalidá de la xeografía nicaragüense y n'Ecuador. Esti proyeutu cuntó col sofitu de l'Axencia Asturiana de Cooperación, el Ministeriu de Cultura, la AECID, y de un cientu d'entidaes llocales.
Amás, Venceyos foi premiáu col Premiu AEDME de mecenalgu empresarial 2008 a propuesta de SEUR y el Premiu DUPONT al VOLUNTARIÁU @2013.
En 2014 el proyeutu Venceyos saltaría a los medios de comunicación Griegos y Españoles (Tele5, Televisión Española, TPA, La Nueva España, EL Comerciu de Xixón, etc...) con un video d'un flashmobe nel Aeropuertu de Heraklion, Creta.En Youtube llógranse 100.000 visites en dos selmanes.
Actividaes
editarLa OCAS desenvuelve un gran llabor solidariu collaborando con asociaciones y ONG’s de gran trayeutoria como Cruz Roja, Fundación Sandra Ibarra, Axencia Asturiana de Cooperación o Medicus Mundi. Les últimes actuaciones fueron pa la planta d'oncoloxía infantil d'Hospital d'Asturies, pal Centru Comuñal de Sangre y Texíos, a favor del terremotu d'Haití, etc.
Referencies
editarEnllaces esternos
editar
Wikimedia Commons tien conteníu multimedia tocante a Orquesta de Cámara de Siero.
Datos: Q20620185
