Oscar Wisting
Oscar Adolf Wisting (6 de xunu de 1871, Larvik – 5 d'avientu de 1936, Oslu) foi un esplorador polar noruegu. Xunto con Roald Amundsen foi'l primeru en tar nos dos polos, nel Polu Sur en 1911 y nel Polu Norte en 1926.
Oscar Wisting | |
|---|---|
 | |
| Vida | |
| Nacimientu | Larvik, 6 de xunu de 1871[1] |
| Nacionalidá |
 Noruega |
| Muerte | Oslu, 5 d'avientu de 1936 (65 años) |
| Oficiu | esplorador |
|
Participante
| |
| Premios | |
 | |
Espedición al Polu Sur
editarEn 1909, tando trabayando nun astilleru, Roald Amundsen propunxo-y que lu acompañase na so próxima espedición la Polu Norte. Amundsen más sero cambió los sos planes en secreto.[2] Wisting foi al llugar onde taba atracáu'l barcu de la espedición creyendo que diben al Polu Norte, foi ellí onde s'enteró que diben al sur pa intentar llegar al polu enantes que Robert Falcon Scott.
El 14 d'avientu de 1911 xunto con Amundsen, Helmer Hanssen, Olav Bjaaland y Sverre Hassel, Wisting plantó la bandera noruega nel Polu Sur xeográficu, siendo los primeros esploradores en llegar allí.
Espedición al Polu Norte nel Norge
editar
Dende 1918 a 1925 foi'l primer oficial a bordu del Maud, barcu col que Roald Amundsen intentó cruzar pel Pasu del Noreste. De 1923 a 1925, más o menos, Wisting actuó como xefe de la espedición, depués de qu'Amundsen l'abandonase pa entamar una espedición que sobrevolase'l Polu Norte.
En 1926 Wisting participó na espedición qu'entamó Amundsen pa sobrevolar el Polu Norte. Col dirixible Norge algamaron el polu'l 12 de mayu de 1926. Los tres esploradores qu'afirmaron tener llegao ellí con anterioridá fueron Frederick Cook en 1908, Robert Peary en 1909, y Richard Evelyn Byrd, aunque existe debate sobre la certeza o precisión de delles d'eses esploraciones, Wisting, depués de llegar al Polu Norte, convirtíose a la par con Amundsen, na primer persona que tuviera nos dos polos.
Epílogu
editarMás sero escribió sobre los sos años con Amundsen un llibru asoleyáu en 1930 y que tituló 16 aar med Roald Amundsen, (1930) (16 años con Roald Amundsen).
Nos años siguientes, Oscar Wisting trabayó activamente nos preparativos y construcción de la casa Fram n'Oslu, un muséu construidu pa guardar y esponer el barcu polar Fram. El 5 d'avientu de 1936, Wisting foi atopáu muertu, como consecuencia d'un ataque al corazón, nel so vieyu xegón a bordu del Fram, pocos díes enantes de celebrase el 25º aniversariu de la exitosa espedición al Polu Sur.
Referencies
editar- ↑ Afirmao en: Norsk biografisk leksikon. Norsk biografisk leksikon ID: Oscar_Wisting. Apaez como: Oscar Adolf Wisting. Data de consulta: 9 ochobre 2017. Editorial: Kunnskapsforlaget. Llingua de la obra o nome: Bokmål. ISSN: 2464-1502.
- ↑ Project Gutenberg (ed.): «The South Pole; an account of the Norwegian Antarctic expedition in the "Fram," 1910-12 — Volume 1 and Volume 2» (inglés). Consultáu'l 30 d'abril de 2007.
Datos: Q553187
Multimedia: Oscar Wisting
