La PC Engine ye una videoconsola que foi llanzada de primeres en Xapón por NEC el 30 d'ochobre de 1987. El sistema foi llanzáu nel mercáu norteamericanu a finales d'agostu de 1989 col nome de TurboGrafx-16. Tamién foi llanzáu nel continente européu en payares de 1989 sol nome de Turbografx (ensin incluyir el "16" nel nome que llevaba l'americana y cola "G" de "Grafx" camudada a minúscula), pero yera bien difícil atopar la consola yá que fueron llanzaes poques unidaes nesi mercáu.

Ficha de softwarePC Engine
Tipu modelu
Distribución HuCard (es) Traducir y discu compautu
Parte de videoconsoles de cuarta xeneración
Cambiar los datos en Wikidata

La PC Engine foi un sistema de 8 bits con un chip gráficu de 16 bits, capaz d'amosar 482 colores en pantalla. Foi descontinuada en 2004.

Catálogu editar

Historia editar

La PC Engine foi un trabayu correalizado ente'l creador de software xaponés Hudson Soft (el cual caltién una división pa la creación de chips) y NEC. Hudson taba buscando ayuda financiera pa una consola qu'ellos diseñaren y NEC taba buscando como entrar nel codalosu mercáu de los videoxuegos. La PC Engine foi una consola bien pequeña debíu principalmente a una arquiteutura eficiente de trés chips y a les HuCards, que yeren unos cartuchos del tamañu d'una tarxeta de creitu, pero daqué más anches. La PC Engine tenía un procesador MOS 6502 de MOS Technology y un procesador gráficu de 16 bits, amás d'un decodificador de video, toos diseñaos por Hudson.

Foi la primer consola que tenía la opción d'un agregu de CD dexando llograr les meyores por utilizar un sistema basáu en CD: más memoria, costos más baratos y compatibilidá con Red Book.

La PC Engine foi desaxeradamente popular en Xapón, vendiendo más que la Famicom de Nintendo nos primeres compases dende'l so llanzamientu, daqué abondo difícil teniendo en cuenta qu'ente 1987 y 1993 llanzáronse 12 consoles. Unu de los factores claves por que la PC Engine fixérase popular fueron los xuegos eróticos.

A pesar del ésitu del sistema, empezó a perder fuercia cuando apaecieron la Sega Mega Drive (Sega Xénesis n'América) en 1989, y darréu la Super Famicom/Super Nintendo en 1991, dambes consoles con procesadores centrales de 16-bits, a diferencia del PC Engine que'l so procesador central ye de 8 bits, y namái el de videu ye de 16-bits.

NEC realizó un últimu esfuerciu, pa resucitar el sistema, llanzando la espansión Arcade Card, aumentando la cantidá de RAM hasta los 2048K (2M); dellos xuegos que s'aprovecharon d'esto fueron conversiones de xuegos populares de la Neo-Geo. La memoria adicional dexaba a la consola amosar gráficos con polígonos 3D pre-renderizado tando percima de lo que podía vese na Super Famicom o la Megadrive/Mega-CD. Anque foi demasiáu tarde, yá que namái una pequeña cantidá de xuegos fueron llanzaos aprovechando esta espansión, amás enxamás salió de tierres nipones.

En 2006 confirmóse la descarga de xuegos d'esta consola dende la Wii de Nintendo nel sistema de descarga conocíu como "Consola Virtual" que dexa esfrutar de ciertos xuegos llanzaos nesti sistema.

 
PC Engine en Xapón
 
TurboGrafx-16 n'América y Turbografx n'Europa
 
PC-Engine CoreGrafx CD-ROM²
 
TurboGrafx-16 CD-ROM²
 
SuperGrafx Super-CD-ROM²
 
PC Engine Super-CD-ROM²
 
PC-Engine-Duo
 
PC-Engine-Duo-RX

Referencies editar

Enllaces esternos editar