Pala
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Una pala ye una ferramienta de mano utilizada pa escavar o mover materiales con cohesión relativamente pequeña. Consta, básicamente, d'una llámina plana con una combadura llixera y d'un mangu de metal o madera col que se remana. La parte plana suel ser metálica y el mangu remata nun asa que puede ser recta o curva, pa poder exercer mayor fuercia con una de les manes.
La pala emplegóse dende la más remota antigüedá en llabores agrícoles y de construcción.
La so evolución dio llugar a les máquines escavadores y cargadores, bien importantes nes xeres de movimientu de tierres pa remodelar y acondicionar tarrenos y acondicionar de tarrenos, construyir d'infraestructures urbanes, escavar suétanos, iguar cimentaciones d'edificios, etc.
Palas de xardinería editar
Les pales son instrumentos básicos pa realizar llabores de xardinería. Úsense pa cavar la tierra, preparar pa llantar, arrincar raigaños, escavar cárcoves y otros llabores.
Pueden estremase los siguientes tipos:
- Pales de punta redonda. Úsense pa cavar. Tienen la estructura arredondiada terminando llixeramente en punta, lo que fai más fácil llancales na tierra. El cantu cimeru tienlu planu pa poder exercer fuercia fincando'l pie pie.
- Pales de punta cuadrada. La mayor superficie faeles afayadices pa tresportar materiales.
- Pales de zapa. Tamién tien la punta cuadrada pero la superficie ye más estrecha. Úsense pa quitar verde o faer cantos, ente otros llabores de xardinería.
- Pala de tresplantar. Similar a l'anterior, carauterízase pola so estructura estrecha y punta arredondiada llixeramente acabada en punta.
Otros usos editar
Les pales de plásticu formen parte de los xuguetes qu'utilicen los neños nes playes pa xugar col sable. Formen parte de kits qu'inclúin instrumentos como un calderu, un garabatu o unos moldes. Úsense pa cavar y tresportar el sable, facer riegues, construyir castiellos, etc.
Úsense n'albañilería y construcciones simples o obres verticales civiles.
Ver tamién editar
Referencies editar
Enllaces esternos editar
Wikimedia Commons tien conteníu multimedia tocante a Pala.
