Palaciu de Haga, enantes llamáu Pabellón de la Reina, tópase alcontráu nel Parque de Haga, nel conceyu de Solna, dientro del área metropolitana d'Estocolmu.

Palaciu de Haga
residencia real (es) Traducir
Llocalización
PaísBandera de Suecia Suecia
Provincies provincia d'Estocolmu
Conceyu Solna
Coordenaes 59°21′49″N 18°02′22″E / 59.3636°N 18.0394°E / 59.3636; 18.0394
Palaciu de Haga alcuéntrase en Suecia
Palaciu de Haga
Palaciu de Haga
Palaciu de Haga (Suecia)
Historia y usu
Apertura1805
Dueñu Gustavo IV Adolfo de Suecia (es) Traducir
Arquiteutura
Arquiteutu/a Carl Christoffer Gjörwell (es) Traducir
Cambiar los datos en Wikidata
Fachada del Palaciu de Haga.
Planu del Palaciu de Haga de la primer metá del sieglu XIX.

Foi construyíu pol arquiteutu Christoffer Gjörwell ente 1802 y 1805 por iniciativa del rei Gustavo IV Adolfo de Suecia. L'edificiu sigue'l modelu de les villes italianes. La so función foi de residencia de descansu.

El palaciu foi la residencia de los príncipes herederos Gustavo Adolfo y Sibila. Les sos fíes (llamaes les princeses de Haga) y el so fíu'l rei Carlos XVI Gustavo nacieron ende.

En 1966, por disposición de Gustavo VI Adolfo de Suecia, pasó a ser propiedá del gobiernu suecu, y empezó a emplegase como residencia d'invitaos especiales del Estáu, como xefes de gobiernu estranxeros.

En 2010 el gobiernu suecu dio-y el derechu real al rei Carlos XVI Gustavo pa ocupar el palaciu y por disposición sirve como residencia de la princesa heredera Victoria de Suecia, como regalu de bodes con Daniel Westling. Dende entós moren ellí cola so fía, la princesa Estela de Suecia.

Referencies editar

Enllaces esternos editar