Paola Binetti
Paola Binetti (29 de marzu de 1943, Roma) ye una médica, pedagoga y política italiana, perteneciente dende 2010 al partíu Union de Centru.
Biografía
editarSicoterapeuta, ye especialista en psicoloxía clínica y neuropsiquiatría infantil. Trabaya nel campu de la educación y la universidá. Tamién dedicó parte de la so vida a la política, aportando a senadora pol partíu de centru izquierda La Margarita, darréu integráu nel Partíu Democráticu. Nel campu de la medicina, desempeñó diversos cargos, como'l de Presidenta de la Sociedá Italiana de Pedagoxía Médica (SIPEM) o Presidenta de l'Asociación Ciencia y Vida.
Ye vicepresidenta de la Sociedá Italiana d'Informática Médica (AIIM), miembru del Comité Nacional de Bioética, miembru del Observatoriu Nacional de la Familia, y ta presente nel comité científicu de numberoses asociaciones, como l'Institutu Italianu de Medicicna Social.
Profesora de Historia de la Medicina, punxo atención particular al campu de la Pedagoxía médica y la Bioética, y dende 1991 ye Direutora del Departamentu pa la Investigación Educativa y Didáctica del Campus Biomédico de la Universidá de Roma.
De 1973 a 1990 dirixó un centru d'orientación p'adolescentes, con un serviciu d'asesoría pa padres. Collaboró col IRRSAE Lombardía na conducción de l'actividá d'enseñanza empobinada a la formación, especilamente nel campu de la educación pa la salú.
Participa nun proyeutu de formación pa profesores, empobináu principalmente al meyoramientu de la competencia comunicativa nel ámbitu clínico y didáctico, y coordina un cursu de Perfeccionamiento del Tutelaje Clínicu, campu nel que produció una serie monográfica.
Actividá investigadora
editarProyeutos en cursu
editar- Proyeutu d'investigación sobre asistencia integral a neños autistes.
- Proyeutu d'investigación sobre la estimulación de neños superdotados.
- Proyeutu d'investigación sobre la donación del gordón umbilical.
- Proyeutu Familia: Nuevu Modelu Xeneral.
Proyeutos executaos
editar- Proyeutu d'aición cola Universidá de Cracovia, Universidá d'Ámsterdam y Universidá d'Amberes pa l'harmonización de los planes d'estudiu y la reconocencia de creitos al envís de fomentar l'intercambiu educativu nel ámbitu européu.
- Promoción y coordinación d'un proyeutu d'investigación sobre'l modelu pedagóxicu asistencial nel ámbitu de la enfermería especializada.
- Participa nun proyeutu d'investigación sobre enfermería especializada na Universidá de Nebraska.
- Proyeutu d'investigación sobre escolástica y metodoloxía didáctica: Holanda, Bélxica, Francia, España, Alemaña ya Italia. Forum d'Orientación Académica (FEDORA).
- Proyeutu pal desenvolvimientu de la enfermería nel área clínica, en collaboración cola Universidá de Navarra y la Universidá d'Edimburgu.
Amás, coordinó dellos grupos d'investigación en collaboración con diverses entidaes ya instituciones.
Bibliografía
editarLibro y publicaciones de Paola Binetti
- Binetti P. (2015). Cuestiones bioéticas nel contestu de la vida familiar: raigaños y problemes actuales. Biblioteca Autores Cristianos. ISBN 978-84-220-1801-8.
- Binetti P, Marcelli M, Baisi R, Manual de nutrición clínica y ciencia dietética aplicada, SEU, Roma, 2006.
- Binetti P, De Marinis MG, El dolor narráu: páxina de lliteratura, CMP, Roma, 2005.
- Binetti P., Bruni R., Ferrazzoli F., Maceri S., Nuevu modelu xeneracional: el retrasu del venceyu familiar na perspeciva psico-social. Istituto Italianu di Medicina Sociale, Roma, 2004.
- Binetti P, Alloni R, Manera y modelu del tutor: la formación como alianza. MaGi, Roma, 2004.
- Binetti P. La educación médica na encruciada. Los cambeos que trai'l nuevu exame del Estáu. Clinical Medicine Publishing Editore, Roma , 2004.
- Binetti P, Valente D, Tradición ya innovación na formación universitaria del profesional sanitariu, Ed. SEU, Roma, 2003.
- Binetti P, Bruni R, L'asesoramientu en perspeutiva multimodal, MaGi, Roma, 2002.
- Binetti P, "L'adolescencia, ente l'autonomía y la dependencia", en M. Vanzetto, Pianeta Adolescenti, ed. Sinnos, Roma 2004.
- Binetti P, "Drogadicción y psicoloxía adolescente", en S. Fanuele, Bioetica y Società, ed. Laterza, Roma, 2004.
- Binetti P, "Formación y xeres del evaluador", en Padula MS, Tomasi A, l'Insegnamento universitariu della Medicina generale, Athena ed, Modena, 2004:297-321.
Escribió más de 200 artículos y numberosos llibros nel campu de la medicina, psicoloxía y educación.
Referencies
editar- ↑ Afirmao en: Catálogo de la Biblioteca Pontificia de la Santa Cruz. ID Pontificia Universidad de la Santa Cruz: 8618. Apaez como: Paola Binetti.
- ↑ URL de la referencia: https://bioetica.governo.it/it/il-comitato/composizione-mandati-precedenti/mandato-2002-2006/. Data de consulta: 11 mayu 2022. Llingua de la obra o nome: italianu.
Enllaces esternos
editar
Wikimedia Commons acueye conteníu multimedia sobre Paola Binetti.
Datos: Q1102044- Multimedia: Paola Binetti
