Papiru Harris I
El Papiru Harris I, o Gran Papiru Harris, ye un testu exipciu, escritu en papiru, de temes relixosos y hestóricos.
 | |
| Tipu | manuscritu |
|---|---|
| Llingua orixinal | exipcianu |
| Material | papiru |
 | |
Ta datáu mientres la Dinastía XX, a principios del reináu de Ramsés IV. Procedente de Tebas, foi atopáu nuna tumba en Deir el-Medina y mercáu por A.C. Harris, en 1855; darréu, en 1872, foi adquiríu pol Muséu Británicu, onde ta curiáu dende 1872 y catalogáu como EA9999/2.
Ye'l manuscritu en papiru de mayor tamañu atopáu, con 42 m de llargor, y ta redactáu n'escritura hierática; estrémase en cinco seiciones, con 117 columnes, de dolce o trece llinies. Contién tres dibuxos, representando a Ramsés III frente a les tríades de los dioses de Tebas, Menfis y Heliópolis.
El testu editar
Nel testu descríbense les donaciones del rei a los dioses y templos de delles ciudaes, mientres 31 años, pa llograr el favor de los dioses. La llista de donaciones ocupa la mayor parte del papiru.
Na última parte del testu méntense acontecimientos de la Dinastía XX, describiendo la situación caótica a empiezos del periodu, y glorificando les fazañes del rei.
Termina cola muerte de Ramsés III y l'ascensu al tronu del so fíu Ramsés IV, pero nun cita la llamada combalechadura del harén nin l'asesinatu del faraón.
Referencies editar
- Erichsen, W: Der Papyrus Harris I. Bibliotheca Aegpthiaca V. Bruxeles, 1933.
- Schädel: Die Listen des Grossen Papyrus Harris, 1936.
Datos: Q1578003
Multimedia: Papyrus Harris I
