Parquesol

Parquesol ye un barriu asitiau nel SO del conceyu castellán de Valladolid. Alcuéntrase sobre la cimada del Cerru de la Gallinera a 761 metros sobre el nivel del mar.

Parquesol
Alministración
Xeografía
Coordenaes	41°38′09″N 4°45′37″W
Parquesol Parquesol (España)

Llenda al oeste cola Autovía de Castiella, al norte cola Cai Monesteriu del Prau, al este cola Avenida de Salamanca y al sur cola Ronda Interior (VA-20).

Atópase a 41º38’08.91 N – 4º45’36.82 O

A 1 de xunetu de 2014 la población del barriu yera de 26.057 habitantes (13.425 muyeres y 12.632 homes) Ye por tanto el segundu barriu más poblado del conceyu y ún de los más poblados del área metropolitana de Valladolid.

Historia

La idea de la Ciudá de Parquesol surde na década de los 70 del sieglu XX per parte del promotor inmobiliariu Antonio Alfonso. Él mesmu va mercando de forma paulatina les distintes parceles que s'asientan sobre'l cuetu de la Gallinera, ocupaes naquel momentu por delles granxes avícoles. Namái esti obreru veníu a más gracies al so puestu como presidente del Real Valladolid ente los años 1967 y 1970 ye capaz d'imaxinase un barriu allugáu en dichu llugar, alloñáu de la ciudá, al otru llau del ríu Pisuerga y con una orografía muncho más complicada que'l restu de la ciudá. Finalmente llogra nel 1977 que se modificar el PGOU del añu 1970 y se adecue a les sos necesidaes como promotor inmobiliariu.

Pero en 1979, con Tomás Bolaños como alcalde, paralízase'l plan qu'afectaba al cuetu de La Gallinera por falta de previsión na urbanización.

Nun sería hasta l'añu 1985 cuando otru promotor inmobiliariu, Marcos Fernández, retoma'l plan d'urbanización del cuetu de La Gallinera y renombrando el barriu como Ciudá Parquesol.

A partir d'esi momentu'l barriu empieza na redolada de l'Avenida Doctor Villacian y l'Avenida Adolfo Miaja de la Muela. De forma paulatina foise construyendo hasta la zona más elevada del cuetu y a día de güei poques son les parceles qu'entá queden ensin construyir.

Característiques

Configura'l barriu una rede d'amplies aveníes, un altu porcentaxe de zones verdes de calter públicu y edificios residenciales que se desenvuelven n'urbanizaciones zarraes con piscina privaes y zones comunes namái pa los vecinos.

Anque'l barriu tien un claru calter residencial, la mayoría de los edificios dexaron espaciu pa locales comerciales, evitando repitir asina los errores de zones como Güerta del Rei onde la falta de baxos comerciales fai qu'a día de güei sía difícil poder allugar hasta un supermercáu.

Según el barriu foi creciendo fóise-y dotando de distintos servicios educativos, sanitarios y culturales. Tamién surdieron espacios comerciales de mayor valumbu empobinaos non yá a dar serviciu al barriu sinón a tola ciudá de Valladolid.

Servicios públicos

Según foi amontando el so población asina la hai díu faciendo tamién los servicios que s'empresten nesta zona.

- Centru Cívicu Parquesol, allugáu na cai Eusebio González Suárez - Centro de Salú Parquesol de SACYL, allugáu na cai Eusebio González Suárez - Cuatros colexos públicos y tres instituto partíos pol barriu - Centro deportivu allugáu en cai Padre Llanos

Tresportes

Esiste una rede de tresporte públicu que coneuta'l barriu col restu de la ciudá al traviés de les llinies d'autobús xestionaes pola empresa AUVASA.

Son delles les llinies qu'empresten serviciu a la zona: L8 Parquesol - Barriu de Belén, L9 Parquesol - Polígonu Industrial de San Cristóbal, L10 Parquesol - La Victoria, C1 y C2 Llinies circulares, B5 autobús nocherniegu de Barriu Belén a Parquesol.

Esisten tamién dos paraes de taxis nel barriu, una allugada na cai Hernando d'Acuña y otra na cai Amadeo Arias.

Per otru llau acábense de crear dos puestos de recoyida de bicicletes de la rede pública de la ciudá de Valladolid, una na plaza Marcos Fernández y otra na cai Núñez de Guzmán.

Enllaces esternos

• Wikimedia Commons acueye conteníu multimedia sobre Parquesol .

• Datos: Q6063291
• Multimedia: Parquesol