Partido Regionalista del País Leonés
El Partido Regionalista del País Leonés o PREPAL (Partíu Rexonalista del País Lleonés) ye un partíu políticu que nagua pola autonomía pal País Lleonés.
| Partido Regionalista del País Leonés | |
|---|---|
.svg) | |
| Acrónimu | PREPAL |
| Presidente | Francisco Iglesias Carreño |
| Fundación | 18 de setiembre de 1980 |
| Sede | Zamora |
| Estáu |
 España |
| Ideoloxía política | lleonesismu, democracia cristiana y Europeísmu |
| Posición nel espectru | centrismu |
| Páxina web | prepalpaisleones.com |
 | |
Dempués de les eleiciones xenerales de 1979 u se presentaron pal Senáu D. Francisco Iglesias Carreño y Dª. Inés Gutierrez Carbajal pol enxame d'eleutores "Zamoranos por Zamora", el primeru proyeuta, nun aconceyamientu na ciudá de Toro, el "Partido Regionalista del País Leonés", pa defender y caltener los derechos constitucionales de la Rexón Lleonesa, la so historia, la so cultura, la so idiosincrasia, etc. El 18 de setiembre de 1980 va ser llegalizáu dafechu.
El so presidente ye Francisco Iglesias Carreño, dende 1993.
PREPAL foi la primera entidá política a reclamar l'autonomía pa la rexón lleonesa. Sicasí preséntase a toles eleiciones (Europees, xenerales, autonóniques y conceyeres) dende la so creación. Ye'l partíu decanu del lleonesismu nes tres provincies lleoneses (Salamanca, Zamora y Lleón).
Nes eleiciones autonómiques del 8 de mayu de 1983, en coalición col Bloque Agrario, consolidóse como tercera fuercia política pañando abondu númberu de votos: Salamanca 11.622 (5,83 %); Zamora 2.896 (2,32 %); Lleón 11.048 (4,28 %).
Nes eleiciones Xenerales de 1986 fonon refugaes les llistes del PREPAL pola griesca llegal per aciu d'un grupu esgayáu illegalmente, que avenceyóse nuna coalición apellada "Convergencia Leonesista". Escontra d'esta gafura de la "Junta Eleutoral Central" l'Audiencia Territorial esclarió sentencia favoritible al PREPAL. Cinco partíos (PSOE, PRD, CDS, FE y Convergencia Leonesista" ficienon recursu y, sicasí tuvo suspensu'l procesu eleutoral nes tres provincies lleoneses. La griesca llegal fora ganada pol PREPAL que conservara les sos sigles.
Fonon secretarios xenerales d'esti partíu D. Francisco Iglesias Carreño, D. Miguel Angel de Diego Núñez, D. Rafael de Diego Núñez, D. José Miguel Trufero Barrios.