Patinaxe de velocidá sobre pista curtia
El patinaxe de velocidá sobre pista curtia (short track n'inglés) ye un deporte olímpico d'iviernu que consiste en carreres de patinaxe sobre xelu sobre una pista curtia.
A diferencia del patinaxe de velocidá sobre pista llarga, onde se cuerre contra'l reló, nel patinaxe de velocidá en pista curtia los patinadores compiten ente ellos y nuna pista muncho más curtia.
L'óvalu de la pista mide namái 111 metros (frente a los 400 m de la pista llarga) y nun esiste división en carriles. Esto provoca frecuentes accidentes mientres les carreres, siendo habituales les cayíes y les descalificaciones. En xunto ye un deporte bien espectacular.
El short track ye un deporte bastante recién, que nació como una dixebra del patinaxe de velocidá en pista llarga. L'oxetivu yera poder facer competiciones de patinaxe n'estadios de baloncestu y ḥoquei sobre xelu, que son más numberosos que les pistes de patinaxe sobre xelu de 400 metros. Foi reconocíu pola Federación Internacional de Patinaxe en 1967. Los primeros campeonatos del mundu daten de 1981 y la so primera presencia olímpica llegó en Calgary 1988, anque solo como deporte d'exhibición. Nos siguientes Xuegos Olímpicos d'Albertville 1992 yá foi reconocíu como deporte olímpico de plenu derechu.
Xuegos Olímpicos
editar
Nel programa de los Xuegos Olímpicos d'Iviernu cuérrense ocho pruebes (dende 1992) de short track, cuatro masculines y cuatro femenines:
- Les masculines son: 500 metros, 1.000 metros, 1.500 metros y 5.000 metros por equipos.
- Les femenines son: 500 metros, 1.000 metros, 1.500 metros y 3.000 metros por equipos.
Nos campeonatos mundiales cuérrese tamién el 3000 Superfinal.
En cada prueba celébrense eliminatories nes que los primeros clasificaos pasen la siguiente ronda y asina hasta llegar a la final. En cada carrera cuerren un máximu de seis participantes.
Nes pruebes por equipos cuérrese por relevos y n'equipos de cinco patinadores, pudiendo cada patinador dar el relevu a un compañeru en cualquier momentu, anque los dos últimes vueltes tien de faeles un solu patinador.
Competiciones de la ISU
editarLa ISU, Unión internacional de patinaxe sobre Xelu, n'inglés International Skating Union, ye una organización mundial encargada de regular les normes de la disciplina y entamar actividaes y competiciones mundiales.
Campeonatos del mundu
editarNos distintos Campeonatos del mundu de la ISU, tamién se cuerre la superfinal individual de 3.000 metros (3000 Superfinal), tanto femenín como masculín, prueba qu'enfrenta a los 8 patinadores con meyores tiempos nel total de les pruebes de distancia menor (500, 1.000 y 1.500 metros).[1]
Clasificación xeneral de medayistes per años
editarFemenina
| Añu | Llugar del eventu | 
|
|
|
|---|---|---|---|---|
| 2012 |  Shanghai[2] |
Li Jianrou |
 Valerie Maltais |
 Arianna Fontana
|
Masculín
| Añu | Llugar del eventu |
|
|
|
|---|---|---|---|---|
| 2012 | Shanghai[3] |
 Kwak Yoon-Gy |
Noh Jin-Kyu |
Olivier Jean
|
Tradicionalmente nel short track destaquen los patinadores de Canadá y Estaos Xuníos, anque apocayá vieron la so supremacía amenazada polos patinadores asiáticos, principalmente de China, Corea del Sur y Xapón.
Referencies
editar
Wikimedia Commons acueye conteníu multimedia sobre Patinaxe de velocidá sobre pista curtia.
- ↑ worldshorttracktm. «World Short Track :: short track skating events». www.worldshorttrack.com. Archiváu dende l'orixinal, el 1 d'avientu de 2012. Consultáu'l 17 de marzu de 2012.
- ↑ ISU. «Short Track Speed Skating - Results (W)». www.sportresult.com. Consultáu'l 17 de marzu de 2012.
- ↑ ISU. «Short Track Speed Skating - Results (M)». www.sportresult.com. Consultáu'l 17 de marzu de 2012.
Enllaces esternos
editar- Seición Short Track Skating del sitiu web oficial de la ISU.
- World Short Track: Sitio web dedicáu al patinaxe de velocidá sobre xelu en pista curtia col aval de la ISU.
Datos: Q193654- Multimedia: Short track speed skating
