Picu Cilindru de Marboré

El picu Cilindru, tamién llamáu Cilindru de Marboré, ye un picu de 3.328 m d'altor del macizu de Monte Perdíu, dientro del cordal del Pirinéu y que s'asitia íntegramente n'España (Valle de Ordesa), pero mui cerca de la frontera con Francia (Circu de Gavarnie) cola que llinda'l Picu Marboré, tando incluyíu nel español Parque Nacional de Ordesa y Monte Perdíu y cercanu al Parque Nacional de los Pirineos.

Picu Cilindru de Marboré
monte
Situación
País	España
Autonomía	Aragón
Provincia	provincia d'Uesca
Conceyu	Fanlo (es)
Cordal	Pirineos
Coordenaes	42°41′05″N 0°01′26″E
Picu Cilindru de Marboré Picu Cilindru de Marboré (España)
Datos
Altitú	3328 m
Prominencia	251 m
Materiales	gres
Fechos importantes
Primer ascensu
Punto del tiempo (es) [[File:Noun Project label icon 1116097 cc mirror.svg	1864 -

Orografía

Dientro del macizu de Monte Perdíu, los trés cumes mayores conócense como los Trés Sorores o Treserols, de les que'l Picu Cilindru (3.328 m) ye la más noroccidental y siguen el mesmu Monte Perdíu (3.355 m) y el picu Soum de Ramond (3.263 m).

Etimoloxía

El so nome debese a la impresionante cara Norte, una paré vertical arredondiada con una forma que recuerda a un cilindru xeométricu y el so nomatu debese a que la mesma cara Norte apodera'l circu glaciar de Marboré, onde s'haya'l Ibón de Marboré.

Rutes

L'aproximamientu en vehículu suelse faer pela parte española hasta la pradería del Valle de Ordesa, pa siguir a cuerpu hasta l'Abelugu de Góriz (2.190 m), puntu crucial pa la esploración de tola zona, y xubir pola mesma ruta del Monte Perdíu hasta'l Llagu Xeláu, pa esviase dempués a la izquierda escontra'l visu del Pico Cilindru.

Flora del Macizu del Monte Perdíu

El fechu de ser el macizu caliar más altu d'Europa fai que tenga tamién una flora bien singular. De les cerca de 3500 especies de plantes vasculares que podemos atopar nel Pirinéu, apenes 150 son capaces de superar los 3000 m d'altitú, y delles 95 fueron alcontraes nos 34 "tresmiles" del Macizu de Monte Perdíu y cercaníes. Namái los trés puntes de los Gabietos axunten a mediu centenar d'elles.

Sicasí, tenemos de destacar que non toes los visos tienen les mesmes plantes, y namái un puñáu repitisen, como Saxifraga pubescens, Saxifraga oppositifolia, Androsace ciliata, Linaria alpina subsp. alpina, Minuartia cerastiifolia o Pritzelago alpina subsp. alpina, por citar namái les más comunes.

Enllaces esternos

• Web oficial d'esti Parque Nacional del Ministeriu de Mediu Ambiente

• Datos: Q507593
• Multimedia: Cilindro de Marboré