Pirámide de Ball
La Pirámide de Ball ye un castru despobláu alcontráu nel mediu del océanu Pacíficu, un restu de la erosión d'un antiguu volcán n'escudu y la caldera que se formó fai 7 millones d'años.
| Pirámide de Ball | |
|---|---|
| Ball's Pyramid (en) | |
 | |
| Situación | |
| País |  Australia |
| Estáu federáu |  Nueva Gales del Sur |
| Tipu | islla |
| Parte de |
Lord Howe Island Group (en)  |
| Asitiáu en | Mar de Tasmania |
| Coordenaes | 31°45′15″S 159°15′06″E / 31.754166666667°S 159.25166666667°E |
  Pirámide de Ball Pirámide de Ball (Océanu Pacíficu) | |
| Datos | |
| Altitú media | 572 m[1] |
| Superficie | 0,2 km² |
| Población | 0 |
| Noamáu por | Henry Lidgbird Ball |
| Fusu horariu | UTC+10:30 |
| Llonxitú | 1,1 km |
 | |
Ta asitiada a 20 km (13 milles) al sureste de la islla de Lord Howe. Tien una altitú de 572 m y namás 300 de llargu.
Alcuéntrase a 31°45′21″S 159°15′02″E / 31.75583°S 159.25056°E 31°45′21″S 159°15′02″E / 31.75583°S 159.25056°E / -31.75583, 159.25056. Forma parte del parque marín de la Islla Lord Howe.
La pirámide de Ball tien dellos castros alredor. La roca Observatoriu y el castru Wheatsheaf tán a 800 m O-NO, y 800 m O-SO, respectivamente, del estremu oeste de la pirámide de Ball.
La roca del Suroeste ye unu visu asitiáu a 3,5 km al sureste de la pirámide de Ball.
Forma parte del Parque Marín de la Islla de Lord Howe que foi declaráu Patrimoniu de la Humanidá pola UNESCO, el so orixe ye volcánicu y hai que buscalo nuna erupción asocedida fai millones d'años y dio como resultáu una pirámide formada con fluxos de lava de basaltu, el material del que esta fechu el centru de la tierra.
Al igual que la islla de Lord Howe y la cadena de montes submarinos de Lord Howe, la pirámide de Ball ta asitiada na elevación de Lord Howe, que forma parte del continente somorguiáu de Zealandia, y que pertenez a Australia.
Historia editar
La pirámide recibió'l so nome del teniente Henry Ball, quien la afayó nel añu 1778 coles mesmes que la islla de Lord Howe.
Créese que la primer persona que trió la pirámide foi'l xeólogu Henry Wilkinson, del Departamentu de Mines de Nueva Gales del Sur (Australia), nel añu 1882.
Coronóse'l so visu per primer vegada'l 14 de febreru de 1965, día en que lo consiguió un equipu d'escaladores del Club d'Esguilada Sydney Rock, formáu por Bryden Allen, John Davis, Jack Pettigrew y David Witham. Hubo un intentu anterior, en 1964, realizáu por otru equipu de Sídney compuestu pol aventureru Dick Smith (que tenía entós namás 20 años) y otros miembros del movimientu Scout.
Viéronse forzaos a tornar a Australia al quintu día d'esguilada, yá que quedáronse ensin comida y agua. En 1979 Smith volvió a la pirámide, xunto colos escaladores John Worrall y Hugh Ward, y consiguieron llegar al visu, onde esplegaron una bandera de Nueva Gales del Sur regalada pol Premier Neville Wran y declararon la islla como territoriu australianu (una formalidá que paez que nun se realizó con anterioridá).
En 1982 prohibióse la práctica de la esguilada na pirámide, por aciu una enmienda a l'Acta de la Islla de Lord Howe, y en 1986 el Conseyu de la Islla de Lord Howe prohibió l'accesu a la pirámide.
En 1990 camudó la política, de manera que se dexó dalguna actividá d'esguilada, so unes condiciones bien estrictes. Nos últimos años, para poder realizar esguilada na islla ríquese faer una solicitú al ministru competente.
Ente 2000 y 2001 atopáronse exemplares del inseutu palu de la islla de Lord Howe (Dryococelus australis).[2] Na ascensión atayada de 1964, Dave Roots volvió con una fotografía del inseutu, que creíase estintu. El so grupu d'escaladores informó qu'habíen vistu inseutos muertos. Nos años siguientes atopáronse más inseutos muertos, pero nun se llogró atopar nengún espécime vivu.
Fauna editar
En 2001, un equipu d'entomólogos y conservacionistas visitó la Pirámide de Ball pa trazar un mapa de la so flora y fauna. Pa la so sorpresa, redescubrióse la población d'inseutu palu de la islla de Lord Howe (Dryococelus australis), que vive n'un área 6 x 30 m a un altor de 100 m percima de la llinia de mariña, so un únicu parrotal de Melaleuca howeana.
El parrotal crecía nun resquiebru pequeñu, onde l'agua xenérabase polos resquiebros de les roques subxacentes. Esti mugor favoreció la crecedera de plantes relativamente exuberantes que dieren llugar col tiempu a una acumuladura de restos de plantes de dellos metros de fondura, formando la pequeña estensión de suelu. La población de inseuto palu yera bien pequeña, de namás 24 individuos. Dos pareyes fueron llevaes a dos zoolóxicos del Pacíficu para criar nueves poblaciones.[3]
Esta espedición nació de la información apurrida por Dave Roots, que traxera la fotografía d'un inseutu, cuando'l Muséu d'Australia díxo-y que pensábase que taba estintu.[4]
Bibliografía editar
- Rock of Ages (n'inglés), trescripción del episodiu de TV Historia d'Australia de la Australian Broadcasting Corporation.
Referencies editar
- ↑ URL de la referencia: https://www.peakbagger.com/peak.aspx?pid=11769.
- ↑ Redescubierto un Inseutu palu gigante (en inglés), noticias de ciencia del 14 de febreru de 2001 de l'Australian Broadcasting Corporation
- ↑ Giant stick insect rediscovered, science news 14 Febreru 2001 at the Australian Broadcasting Corporation, (n'inglés)
- ↑ Inseutu Palu, Pirámide de Ball, (castellán)
Enllaces esternos editar
- Reserva marina de la islla de Lord Howe, (n'inglés)
- Carta marina de la islla de Lord Howe y la Pirámide de Ball, editada pol Serviciu Hidrográficu d'Australia.
- World Mountain Encyclopedia - Ball's Pyramid (n'inglés)
- Volcano World - Balls Pyramid (n'inglés)
Wikimedia Commons acueye conteníu multimedia sobre Pirámide de Ball 
.
Datos: Q152872- Multimedia: Ball's Pyramid
